കള്ളപ്പണം വെളുപ്പിക്കല്‍ കേസില്‍ ജാമ്യം ലഭിച്ച ബിനീഷ് കോടിയേരി ജയില്‍ നിന്ന് പുറത്തിറങ്ങി. ഒരു വര്‍ഷത്തെ തടവിന് ശേഷമാണ് ബിനീഷ് മോചിതനാകുന്നത്. പരപ്പന അഗ്രഹാര ജയിലിലാണ് ബിനീഷ് തടവില്‍ കഴിഞ്ഞത്.
ജാമ്യക്കാരെ ഹാജരാക്കാന്‍ വൈകിയതാണ് ബിനീഷിന്റെ ജയില്‍ മോചനം വൈകിപ്പിച്ചത്. അഞ്ച് ലക്ഷം രൂപയുടെ രണ്ട് ആള്‍ ജാമ്യം ഉള്‍പ്പെടെ കടുത്ത ഉപാധികളോടെയായിരുന്നു ബിനീഷിന് ജാമ്യം ലഭിച്ചത്. സത്യം ജയിക്കുമെന്ന് ബിനീഷ് കോടിയേരി പ്രതികരിച്ചു. പല പേരുകളും പറയാന്‍ സമ്മര്‍ദ്ദം ചെലുത്തി. കേസുമായി ബന്ധപ്പെട്ട കാര്യങ്ങളല്ല അന്വേഷണ സംഘം ചോദിച്ചത്. ഭരണകൂടത്തിന് അനഭിമതനായതിലാണ് വേട്ടയാടുന്നത്- ബിനീഷ് പറഞ്ഞു.
Read more
ദക്ഷിണേന്ത്യന്‍ സിനിമ താരങ്ങളുമായി നേരിട്ട് ബന്ധമുള്ള മയക്കുമരുന്ന് ലോബിയെ പിടികൂടിയെന്നാണ് നാര്‍ക്കോട്ടിക് കണ്‍ട്രോള്‍ ബ്യൂറോ അവകാശപ്പെടുന്നത്. ബിനീഷിന്റെ അടുത്ത കൂട്ടുകാരന്‍ മുഹമ്മദ് അനൂപും റിജേഷ് രവീന്ദ്രനുമാണ് കേസിലെ പ്രധാന പ്രതികള്‍.
