കാട്ടാക്കടയിലെ ബി.ജെ.പി സ്ഥാനാര്‍ത്ഥി പി കെ കൃഷ്ണദാസിന്റെ തിരഞ്ഞെടുപ്പ് നാമനിര്‍ദ്ദേശപത്രിക മാറ്റിവെച്ചു. നാമനിര്‍ദ്ദേശപത്രിക സ്വീകരിക്കുന്നതിലെ അനിശ്ചിതത്വത്തെ തുടര്‍ന്നാണ് നടപടി. പി കെ കൃഷ്ണദാസിന് വോട്ട് എവിടെയാണ് എന്ന് വ്യക്തമാക്കാന്‍ കഴിയാത്തതിനെത്തുടര്‍ന്നാണ് നാമനിര്‍ദ്ദേശപത്രിക മാറ്റി വെച്ചത്.
കണ്ണൂരിലെ വോട്ടര്‍ പട്ടികയില്‍നിന്നും കൃഷ്ണദാസ് തന്റെ പേര് നീക്കം ചെയ്തിരുന്നു. തുടര്‍ന്ന് കാട്ടാക്കടയിലേക്ക് മാറ്റിയിരുന്നെങ്കിലും അന്തിമ വോട്ടര്‍പട്ടിക പുറത്തുവന്നിട്ടില്ല. ഇതോടെയാണ് പത്രിക സ്വീകരിക്കുന്നതില്‍ അനിശ്ചിതത്വമുണ്ടായത്.
തിങ്കളാഴ്ച വോട്ടര്‍പട്ടികയുടെ പകർപ്പ് സമര്‍പ്പിക്കാം എന്ന വ്യവസ്ഥയില്‍ പി കെ കൃഷ്ണദാസിന്റെ പത്രിക മാറ്റിവെച്ചിരിക്കുകയാണ്.