വയനാട് ദുരന്തത്തിൽ കേന്ദ്ര സഹായം ആവശ്യപ്പെട്ട് പ്രമേയം പാസാക്കി നിയമസഭ. സഭ ഒറ്റക്കെട്ടായാണ് പ്രമേയം പാസാക്കിയത്. വയനാട് പുനരധിവാസം അതിവേഗം നടപ്പിലാക്കണമെന്നും സഭ ആവശ്യപ്പെട്ടു. അതേസമയം പ്രത്യേക മെമ്മോറാണ്ടം പാസാക്കിയിട്ടും കേന്ദ്ര സഹായം വൈകുകയാണെന്ന് മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു.
വയനാട് മുണ്ടക്കൈ ദുരന്തത്തിൽ പുനരധിവാസ പ്രവർത്തനങ്ങൾ വേഗത്തിലാക്കണമെന്ന് ആവശ്യപ്പെട്ട് നിയമസഭയിൽ പ്രതിപക്ഷം അവതരിപ്പിച്ച അടിയന്തര പ്രമേയത്തിലാണ് തീരുമാനം. ടി സിദ്ദിഖ് എംഎൽഎയാണ് അടിയന്തര പ്രമേയത്തിന് നോട്ടീസ് നൽകിയത്. കേന്ദ്രസഹായം അടിയന്തരമായി ലഭ്യമാക്കാനുള്ള ഇടപെടൽ നടത്തണമെന്നും സംസ്ഥാന സർക്കാർ ക്രിയാത്മകമായി ഇടപെടണമെന്ന് അടിയന്തര പ്രമേയത്തിലൂടെ പ്രതിപക്ഷം ആവശ്യപ്പെട്ടു.