കേന്ദ്ര സാഹിത്യ അക്കാദമി പുരസ്‌കാരത്തിളക്കത്തില്‍ മുന്‍ ചീഫ് സെക്രട്ടറി കെ ജയകുമാര്‍. പിങ്ഗള കേശിനി എന്ന കവിതാ സമാഹാരമാണ് പുരസ്‌കാരത്തിന് അര്‍ഹമായിരിക്കുന്നത്. നിരവധി ഗാനങ്ങളുടെയും കവിതകളുടെയും വിവര്‍ത്തകന്‍, ചിത്രകാരന്‍, തിരക്കഥാകൃത്ത് എന്നീ നിലകളിലും സുപ്രസിദ്ധനാണ് കെ ജയകുമാര്‍.
24 ഭാഷകളിലാണ് പുരസ്‌കാര പ്രഖ്യാപനം. നിലവില്‍ 21 ഭാഷകളിലെ പുരസ്‌കാരങ്ങളാണ് പ്രഖ്യാപിച്ചിട്ടുള്ളത്. എട്ട് കവിതാ സമാഹാരങ്ങള്‍ക്കും മൂന്ന് നോവലുകള്‍ക്കും രണ്ട് ചെറുകഥാ സമാഹാരങ്ങള്‍ക്കും മൂന്ന് ഉപന്യാസങ്ങള്‍ക്കും മൂന്ന് സാഹിത്യ വിമര്‍ശന പുസ്തകങ്ങള്‍ക്കും ഒരു നാടകത്തിനുമാണ് നിലവില്‍ പുരസ്‌കാരങ്ങള്‍ പ്രഖ്യാപിച്ചിട്ടുള്ളത്.