ദിലീപ് പ്രതിയായ വധഗൂഢാലോചന കേസിലെ ഏഴാം പ്രതിയായ ഐടി വിദഗ്ധന്‍ സായ് ശങ്കര്‍ അറസ്റ്റില്‍. ദിലീപിന്റെ ഫോണിലെ വിവരങ്ങള്‍ നശിപ്പിക്കാന്‍ സഹായിച്ചു എന്ന് കണ്ടെത്തിയതിനെ തുടര്‍ന്നാണ് ഇയാളെ കസ്റ്റഡിയില്‍ എടുത്തത്.
ആന്ധ്രയില്‍ സായ് ശങ്കറിനെ പിടികൂടിയത്. എസ്പി മോഹനചന്ദ്രന്റെ നേതൃത്വത്തിലുള്ള സംഘമാണ് സായ് ശങ്കറിനെ കസ്റ്റഡിയില്‍ എടുത്തത്. നേരത്തെ ചോദ്യം ചെയ്യലിനായി സായ് ശങ്കറിനെ ക്രൈംബ്രാഞ്ച് വിളിപ്പിച്ചിരുന്നു. എന്നാല്‍ അന്വേഷണ സംഘം തന്നെ കുടുക്കാന് ശ്രമിക്കുകയാണെന്ന് ആരോപിച്ച് കോടതിയെ സമീപിക്കുകയായിരുന്നു.
എന്നാല്‍ അന്വേഷണവുമായി സഹകരിക്കാനായിരുന്നു ഹൈക്കോടതിയുടെ നിര്‍ദ്ദേശിച്ചത്. സഹകരിക്കാതിരുന്നതിനെ തുടര്‍ന്ന് ഏഴാം പ്രതിയാക്കി അന്വേഷണ സംഘം കോടതിയില്‍ റിപ്പോര്‍ട്ട് കൊടുക്കുകയായിരുന്നു.