നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന്‍ ശ്രമിച്ച കേസില്‍ ദിലീപിന്റെ സുഹൃത്തും സംവിധായകമുമായ നാദിര്‍ഷയെ ക്രൈബ്രാഞ്ച് ചോദ്യം ചെയ്തു. മൂന്ന് ദിവസം മുമ്പാണ് ചോദ്യം ചെയ്തത്. ദിലീപിന്റെ സാമ്പത്തിക ഇടപാടുകളെ കുറിച്ചും അന്വേഷണ സംഘം അന്വേഷണം നടത്തുന്നുണ്ട്. ഇതുമായി ബന്ധപ്പെട്ട് ദിലീപിന്റെ ചാര്‍േട്ടട് അക്കൗണ്ടന്റിനെ കഴിഞ്ഞ ദിവസം ചോദ്യം ചെയ്തിരുന്നു.
അതേ സമയം കേസില്‍ ദിലീപിനെ വീണ്ടും ചോദ്യം ചെയ്യും. മൊബൈല്‍ ഫോണുകളുടെ പരിശോധനാ ഫലം ലഭിച്ചതിന് ശേഷമാണ് ചോദ്യം ചെയ്യുക. പരിശോധനാ ഫലം ഉടന്‍ ലഭിക്കുമെന്നാണ് സൂചന. ദിലീപിന്റെ സഹോദരന്‍ അനൂപ് സഹോദരിയുടെ ഭര്‍ത്താവ് സൂരജ് എന്നിവരെയും ചോദ്യം ചെയ്യും.
വധഗൂഢാലോചന കേസില്‍ എഫ്‌ഐആര്‍ റദ്ദാക്കണമെന്ന ദിലീപിന്റെ ഹര്‍ജി ഹൈക്കോടതി ഇന്ന പരിഗണിക്കും. കേസ് കെട്ടിച്ചമച്ചതാണെന്നാണ് ദിലീപിന്റെ വാദം.