മുഖ്യമന്ത്രി പിണറയി വിജയനെ പരിഹസിച്ച് മാത്യു കുഴൽനാടൻ എംഎൽഎ. ഫേസ്ബുക്കിലൂടെയാണ് പരിഹാസം. കൺവിൻസിങ്സ്റ്റാർ ഡാ..!! എന്ന കുറിപ്പോടെയാണ് മാത്യു കുഴൽനാടൻ പി[പോസ്റ്റ് പങ്കുവച്ചിരിക്കുന്നത്.
മുഖ്യമന്ത്രി ‘കൺവിൻസിങ് സ്റ്റാർ’ എന്നാണ് മാത്യു കുഴൽനാടന്റെ പരിഹാസം. മുഖ്യമന്ത്രിയും കെ രാധാകൃഷ്ണൻ എംപിയുമായുളള ചിത്രവും മുഖ്യമന്ത്രിയും മോദിയുമുളള ചിത്രവുമാണ് കുഴൽനാടൻ പോസ്റ്റിനൊപ്പം പങ്കുവെച്ചത്. ഇതിനൊപ്പം സമീപകാലത്ത് സോഷ്യൽ മീഡിയയിൽ ഹിറ്റായ ‘കൺവിൻസിങ് സ്റ്റാർ ‘ സുരേഷ് കൃഷ്ണയുടെ ഫോട്ടോയും പങ്കുവെച്ചിട്ടുണ്ട്.
മുൻ മന്ത്രി കെ രാധാകൃഷ്ണനൊപ്പം മുഖ്യമന്ത്രി നിൽക്കുന്നതാണ് ആദ്യ ഫോട്ടോ. നിങ്ങൾ ഡൽഹിയിൽ പോയി ഉന്നത പദവി വഹിക്ക്, ഞാൻ അവനെ മുഖ്യമന്ത്രി ആക്കിയിട്ട് വരാം എന്ന തലക്കെട്ടോടെയാണ് ചിത്രം. മുഖ്യമന്ത്രിക്കൊപ്പം പ്രധാനമന്ത്രി നരേന്ദ്ര മോഡി നിൽക്കുന്നതാണ് മറ്റൊരു ചിത്രം. നിങ്ങൾ ഇഡിയെ ഒന്ന് കൈകാര്യം ചെയ്യ്, ഞാൻ പോയി തൃശൂർ ശരിയാക്കിയിട്ടു വരാം എന്നാണ് അതിലെ ക്യാപ്ഷൻ.
