മലപ്പുറം വാളാഞ്ചേരിയില്‍ വീണ്ടും കുഴല്‍പ്പണ വേട്ട. മൂന്ന് കോടി രൂപയാണ് പൊലീസ് പിടിച്ചടുത്തത്. കാറിനുള്ളില്‍ രണ്ട് രഹസ്യ അറകളിലായി ഒളിപ്പിച്ച് കടത്താന്‍ ശ്രമിച്ച പണമാണ് പിടികൂടിയിരിക്കുന്നത്.
സംഭവത്തില്‍ വേങ്ങര സ്വദേശികളെ പൊലീസ് അറസ്റ്റ് ചെയ്തു. ഒരാഴ്ച്ചക്ക് ഇടയില്‍ രണ്ടാം തവണയാണ് കുഴല്‍പ്പണം പിടിച്ചെടുക്കുന്നത്. രണ്ട് ദിവസം മുമ്പ് കാറിന്റെ രഹസ്യ അറയില്‍ ഒളിപ്പിച്ച രീതിയില്‍ 1.45 കോടി കുഴല്‍പ്പണം പിടിച്ചെടുത്തിരുന്നു.
കഴിഞ്ഞ ഒരാഴ്ചക്കിടെ നിരവധി മലപ്പുറത്തെ വിവിധ ഭാഗങ്ങളില്‍ നിന്നായി വ്യാപകമായി കുഴല്‍പ്പണം പിടികൂടിയിരുന്നു. ഏഴരക്കോടിയോളം വരുന്ന പണമാണ് പൊലീസ് പിടികൂടിയത്. പെരിന്തല്‍മണ്ണ, വേങ്ങര, വളാഞ്ചേരി എന്നിവിടങ്ങളില്‍ നിന്നാണ് കുഴല്‍പ്പണം പിടികൂടിയിരുന്നത്.