കൗതുകം ലേശം കൂടുതലാണ്; കാട്ടാനയ്ക്ക് ലഡുവും പഴവും നല്‍കാന്‍ ശ്രമം; തമിഴ്‌നാട് സ്വദേശി റിമാന്റില്‍

അതിരപ്പള്ളിയില്‍ കാട്ടാനയ്ക്ക് പഴവും ലഡുവും കൊടുക്കാന്‍ പോയ തമിഴ്‌നാട് സ്വദേശി അറസ്റ്റില്‍. തമിഴ്‌നാട് സ്വദേശി സൗഗതിനെയാണ് വനംവകുപ്പ് അറസ്റ്റ് ചെയ്തത്. തുടര്‍ന്ന് ചാലക്കുടി കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു. കഴിഞ്ഞ ദിവസമാണ് കേസിനാസ്പദമായ സംഭവം നടന്നത്.

വാല്‍പ്പാറ വഴി അതിര്‍ത്തി കടന്നെത്തിയ തമിഴ്‌നാട്ടില്‍ നിന്നുള്ള ഏഴംഗ സംഘം കഴിഞ്ഞ ദിവസമാണ് മലക്കപ്പാറയിലെത്തിയത്. തുടര്‍ന്ന് അതിരപ്പള്ളിയിലേക്കുള്ള യാത്രയ്ക്കിടെ ആനക്കയം ആനത്താരയില്‍ വച്ച് സംഘം ആനക്കൂട്ടത്തെ കണ്ടു. ഇതോടെ സൗഗത് ലഡുവും പഴവും നല്‍കാന്‍ കാട്ടാനകളുടെ സമീപത്തേക്ക് പോകുകയായിരുന്നു.

കാട്ടാന ആക്രമിക്കാന്‍ തുനിഞ്ഞതോടെ ഇയാള്‍ ശ്രമം ഉപേക്ഷിച്ച് ഓടി രക്ഷപ്പെടുകയായിരുന്നു. സംഭവത്തിന്റെ ദൃശ്യങ്ങള്‍ പകര്‍ത്തി അതുവഴി കടന്നുപോയ മറ്റൊരു സഞ്ചാരി വനംവകുപ്പിന് അയച്ചുനല്‍കി. തുടര്‍ന്ന് വനംവകുപ്പ് ഉദ്യോഗസ്ഥര്‍ ഏഴംഗ സംഘത്തിന്റെ വാഹനം അതിരപ്പള്ളിയില്‍ തടഞ്ഞു.

തുടര്‍ന്ന് സൗഗത് ഉള്‍പ്പെടെ ഏഴംഗ സംഘത്തെ വനംവകുപ്പ് അറസ്റ്റ് ചെയ്തു. മസ്താന്‍ ട്രാന്‍സ്‌പോര്‍ട്ടിംഗ് കമ്പനി ഉടമ സൗഗത്, തിരുവല്ലൂര്‍ സ്വദേശികളായ സുരേഷ്, മണികണ്ഠന്‍, നീലകണ്ഠന്‍, പ്രകാശ്, വെല്ലൂര്‍ സ്വദേശികളായ റഷീദ് ബാഷ, തിലകര്‍ ബാഷ എന്നിവരാണ് പിടിയിലായത്. കേസില്‍ ഒന്നാം പ്രതിയെയാണ് കോടതി റിമാന്റ് ചെയ്തത്. ഇവര്‍ സഞ്ചരിച്ച വാഹനവും വിട്ടുനല്‍കിയിട്ടില്ല.

Latest Stories

IPL 2025: ഹണിമൂണ്‍ വേണ്ട, ഐപിഎല്‍ കളിച്ചാല്‍ മതി, ശേഷം ഈ താരത്തിന് സംഭവിച്ചത്, ഞെട്ടിച്ചെന്ന് ആരാധകര്‍

സ്ത്രീകളുടെ അവകാശ പോരാട്ടത്തെ കമ്യൂണിസ്റ്റ് ഇങ്ങനെയാണോ നേരിടേണ്ടത്? പാര്‍ട്ടി കോണ്‍ഗ്രസില്‍ കേരള സര്‍ക്കാരിനെതിരെ ശബ്ദമുയര്‍ത്തി ഡി രാംദേവി

അർജ്ജുൻ ആയങ്കി കരുതൽ തടങ്കലിൽ; പിടികൂടിയത് എസ്എഫ്‌ഐ നേതാവിന്റെ വീട്ടിൽ നിന്ന്

ലാലേട്ടന് മെസേജ് അയച്ചിരുന്നു, അദ്ദേഹം മറുപടിയും നല്‍കി.. ഇതെല്ലാം കണ്ട് സന്തോഷിക്കുന്ന സൈക്കോയാണോ മുരളി ഗോപി: അഖില്‍ മാരാര്‍

കോഴിക്കോട് ഗോകുലം സ്ഥാപനത്തിലും ഇഡി റെയ്‌ഡ്; 1000 കോടിയുടെ വിദേശ വിനിമയ ചട്ടലംഘനം

മോദി സര്‍ക്കാറിന്റെ എല്ലാ തരത്തിലുമുള്ള ആക്രമണങ്ങളെ ചെറുക്കാന്‍ കോണ്‍ഗ്രസിന് കഴിയും; വഖഫ് നിയമഭേദഗതിയുടെ സാധുത ചോദ്യം ചെയ്യും; നിലപാട് വ്യക്തമാക്കി ജയറാം രമേശ്

MI VS LSG: 29 ബോളില്‍ 75 റണ്‍സ്, മുംബൈയെ തല്ലി ഓടിച്ച പുരാന്റെ ബാറ്റിങ് വെടിക്കെട്ട്, ആരാധകര്‍ മറക്കില്ല ആ രാത്രി, ഇന്ന് വീണ്ടും ആവര്‍ത്തിക്കുമോ

'മതസ്വാതന്ത്ര്യത്തിലേക്കുള്ള കടന്നു കയറ്റം'; വഖഫ് നിയമ ഭേദഗതിക്കെതിരെ കോൺഗ്രസ് സുപ്രീംകോടതിയിലേക്ക്

IPL 2025: തള്ള് മാത്രമേ ഉള്ളു, അവന്റെ ക്യാപ്റ്റൻസിയൊക്കെ ഇപ്പോൾ ശോകമാണ്; സൂപ്പർ താരത്തെക്കുറിച്ച് മുഹമ്മദ് കൈഫ് പറഞ്ഞത് ഇങ്ങനെ

നടന്‍ രവികുമാര്‍ അന്തരിച്ചു