കോഴിക്കോട് കൊയിലാണ്ടിയില്‍ പ്രായപൂര്‍ത്തിയാകാത്ത ദളിത് പെണ്‍കുട്ടിയെ കൂട്ട ബലാത്സംഗം ചെയ്ത കേസില്‍ രണ്ട് പേര് അറസ്റ്റില്‍. പേരാമ്പ്ര ചേര്‍മലയില്‍ വരുണ്‍രാജ് (26), മുയിപ്പോത്ത് ഉരുണി കുന്നുമ്മല്‍ ശ്യാംലാല്‍ (26) എന്നിവരെയാണ് കൊയിലാണ്ടി പൊലീസ് അറസ്റ്റ് ചെയ്തത്. ഇവര്‍ക്കെതിരെ പോക്‌സോ കേസ് ചുമത്തിയാണ് കേസെടുത്തു.
ഇക്കഴിഞ്ഞ ഫെബ്രുവരി 14 നായിരുന്നു സംഭവം. പ്രണയം നടിച്ച് പെണ്‍കുട്ടിയെ വിവധ സ്ഥലങ്ങളില്‍ കൊണ്ടുപോയി കഞ്ചാവും മയക്കുമരുന്നും നല്‍കിയാണ് പീഡിപ്പിച്ചത്. രാവിലെ വീട്ടില്‍ നിന്ന് പോയ പെണ്‍കുട്ടി വൈകിട്ട് അസ്വസ്ഥതയോടെയാണ് തിരിച്ചെത്തിയത്. തുടര്‍ന്ന് വീട്ടുകാര്‍ കുട്ടിയെ ഉടനെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. ഇതോടെയാണ് പെണ്‍കുട്ടി പീഡനത്തിന് ഇരയായതായി അറിയുന്നത്. നിലവില്‍ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുകയാണ്.
സംഭവത്തിന് പിന്നാലെ പരാതി ലഭിച്ചതോടെ പൊലീസ് കേസെടുത്തിരുന്നു. വടകര ഡി.വൈ.എസ്.പി. അബ്ദുള്‍ ഷെറീഫ് പെണ്‍കുട്ടിയുടെ മൊഴി രേഖപ്പെടുത്തി. ഇതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് രണ്ട് പേര് പിടിയിലായത്.
Read more
കൂടുതല്‍ പേര്‍ക്ക് സംഭവത്തില്‍ പങ്കുണ്ടെന്നാണ് വിവരം. പൊലീസ് അന്വേഷണം ഊര്‍ജ്ജിതമാക്കിയതായി ഡി.വൈ.എസ്.പി പറഞ്ഞു.
