സംസ്ഥാനത്തെ കോണ്‍ഗ്രസില്‍ പുനഃസംഘടന വൈകുന്നതില്‍ അതൃപ്തി അറിയിച്ച് ഹൈക്കമാന്റ്. സംസ്ഥാനത്തെ നേതാക്കള്‍ക്കിടയിലെ ഭിന്നത രൂക്ഷമായതാണ് പുനഃസംഘടന വൈകുന്നതിന്റെ കാരണമെന്നാണ് ഹൈക്കമാന്റിന്റെ വിലയിരുത്തല്‍. രാഷ്ട്രീയകാര്യ സമിതി യോഗം മാറ്റിയതിലും ദേശീയ നേതൃത്വം അതൃപ്തിയിലാണ്.
കഴിഞ്ഞ ദിവസം സംസ്ഥാനത്തെത്തിയ കേരളത്തിന്റെ ചുമതലയുള്ള എഐസിസി ജനറല്‍ സെക്രട്ടറി ദീപാദാസ് മുന്‍ഷി സംസ്ഥാന നേതാക്കളെ കാണാതെ മടങ്ങിയിരുന്നു. ഇന്ന് രാവിലെയാണ് ദീപാദാസ് മുന്‍ഷി മടങ്ങിയത്. രാഷ്ട്രീയ സമിതിയില്‍ പങ്കെടുക്കാനായിരുന്നു ദീപദാസ് മുന്‍ഷി കേരളത്തിലെത്തിയത്.
എന്നാല്‍ രാഷ്ട്രീയകാര്യ സമിതിയി യോഗം മാറ്റിവെച്ചതിനെ തുടര്‍ന്ന് ദീപാദാസ് മുന്‍ഷിയ്ക്ക് കടുത്ത അതൃപ്തിയുണ്ടായിരുന്നു. ഇതേ തുടര്‍ന്നാണ് ദീപദാസ് മുന്‍ഷി കേരളത്തിലെ നേതാക്കളെ കാണാതെ ഡല്‍ഹിയിലേയ്ക്ക് മടങ്ങിയത്. സംസ്ഥാന നേതാക്കളുടെ സമീപനത്തില്‍ ദേശീയ നേതൃത്വം കടുത്ത അതൃപ്തിയിലാണ്.
Read more
സംസ്ഥാനത്തെ പാര്‍ട്ടിയെ സംബന്ധിച്ച് അതിനിര്‍ണ്ണായകമായ യോ?ഗത്തില്‍ പങ്കെടുക്കാന്‍ പോലും നേതാക്കള്‍ തയ്യാറാകത്തതിനെ ഗൗരവത്തോടെയാണ് ദേശീയ നേതൃത്വം കാണുന്നത്. ദശീയ നേതൃത്വത്തിന്റെ അറിവോ സമ്മതമോ ഇല്ലാതെ യോഗം മാറ്റിയതും അതൃപ്തിയ്ക്ക് കാരണമായിട്ടുണ്ട്.
