ഡി ജെ പാര്‍ട്ടിയില്‍ പങ്കെടുക്കാനെത്തിയ യുവാവിനെ മര്‍ദ്ദിച്ചെന്ന പരാതിയെ തുടര്‍ന്ന് ഫോര്‍ട്ട്‌കൊച്ചി നമ്പര്‍18 ഹോട്ടലുടമ റോയ് വയലാറ്റ് അറസ്റ്റില്‍. റോയ് വയലാറ്റുള്‍പ്പെടെ പത്തു പേരെയാണ് പൊലീസ് അറസ്റ്റ് ചെയ്തത്. വധശ്രമം ഉള്‍പ്പെടെ ചുമത്തിയാണ് കേസെടുത്തിരിക്കുന്നത്. ചേര്‍ത്തല സ്വദേശിയായ ഫയാസാണ് പരാതി നല്‍കിയത്.
കഴിഞ്ഞ ദിവസം രാത്രിയാണ് ഡി ജെ പാര്‍ട്ടിയില്‍ പങ്കെടുക്കാനായി ഫയാസ് ഹോട്ടലില്‍ എത്തിയത്. ഡിജെ പാര്‍ട്ടിക്കിടെ നൃത്തം ചെയ്യരുതെന്ന് ഫയാസിനോട് റോയ് വയലാറ്റും കൂടെ ഉണ്ടായിരുന്നവരും പറഞ്ഞു. ഇതേ തുടര്‍ന്ന് യുവാവ് പാര്‍ട്ടിക്ക് വേണ്ടി നല്‍കിയ പണം തിരികെ ചോദിക്കുകയും തര്‍ക്കമുണ്ടാകുകയുെ ചെയ്തു.
Read more
പണം തിരികെ ചോദിച്ചതിനെ തുടര്‍ന്നുണ്ടായ തര്‍ക്കമാണ് മര്‍ദ്ദനത്തില്‍ കലാശിച്ചതെന്ന് പൊലീസ് അറിയിച്ചു. മര്‍ദ്ദിക്കുന്നതിന്റെ സിസിടിവി ദൃശ്യങ്ങള്‍ പൊലീസിന് ലഭിച്ചിരുന്നു. ഗുരുതരമായി പരിക്കേറ്റ ഫയാസ് ചികിത്സയിലാണ്. മോഡലുകളുടെ മരണം, പോക്‌സോ കേസ് എന്നിവയിലെ പ്രതിയാണ് റോയ് വയലാറ്റ്.
