എറണാകുളം ജനറല്‍ ആശുപത്രയില്‍ രോഗികള്‍ക്കൊപ്പമെത്തിയ ആള്‍ ആശുപത്രി ജീവനക്കാരെ അസഭ്യം പറഞ്ഞു. ആലപ്പുഴ സ്വദേശി അനില്‍ കുമാറാണ് വനിതാ ഡോക്ടര്‍ക്കും ജീവനക്കാര്‍ക്കുമെതിരെ അസഭ്യം പറഞ്ഞത്.
ഇന്നലെ രാത്രി രോഗിക്കൊപ്പം ആശുപത്രിയിലെത്തിയതതാണ് അനില്‍ കുമാര്‍. മദ്യപിച്ചെത്തിയ ഇയാള്‍ രാത്രി പതിനൊന്നരയോടെയാണ് സംഘര്‍ഷമുണ്ടാക്കിയത്.
പൊലീസും ജീവനക്കാരും ചേര്‍ന്ന് ഇയാളെ പിടികൂടി. കൃത്യനിര്‍വഹണം തടസ്സപ്പെടുത്തിയതിന് ആശുപത്രി സംരക്ഷണ നിയമ പ്രകാരം സെന്‍ട്രല്‍ പൊലീസ് കേസെടുത്തു.