തലസ്ഥാനത്ത് മദ്യലഹരിയില്‍ യുവ ഡോക്ടര്‍മാര്‍ ഓടിച്ച വാഹനമിടിച്ച് ഡെലിവറി ബോയ്ക്ക് ദാരുണാന്ത്യം. പാറശാല സ്വദേശി ശ്രീറാം ആണ് അപകടത്തില്‍ മരിച്ചത്. അപകടത്തില്‍ ഗുരുതര പരിക്കുകളോടെ ഒരാളെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ആക്കുളം പാലത്തില്‍ കഴിഞ്ഞ ദിവസം രാത്രിയാണ് അപകടം സംഭവിച്ചത്.
മദ്യ ലഹരിയില്‍ ഡോക്ടര്‍മാരായ വിഷ്ണു, അതുല്‍ എന്നിവര്‍ സഞ്ചരിച്ചിരുന്ന വാഹനം ഓണ്‍ലൈന്‍ ഭക്ഷണ വിതരണക്കാരായ യുവാക്കളെ ഇടിച്ചുതെറിപ്പിക്കുകയായിരുന്നു. വിഷ്ണുവും അതുലും മദ്യലഹരിയിലായിരുന്നതായി പോലീസ് പറഞ്ഞു. അതുലിന്റെ അമ്മയുടെ പേരിലാണ് വാഹനം. എന്നാല്‍ വിഷ്ണുവാണ് വാഹനം ഓടിച്ചിരുന്നത്.
Read more
അമിത വേഗതയില്‍ പോയ പോയ ജീപ്പ് നിയന്ത്രണം തെറ്റി ബൈക്കിലിടിക്കുകയായിരുന്നു. സംഭവത്തിന് പിന്നാലെ ഇരുവരെയും തുമ്പ പോലീസ് കസ്റ്റഡിയിലെടുത്തു. വാഹനം ഓടിച്ചിരുന്ന വിഷ്ണു സ്വകാര്യ ആശുപത്രിയില്‍ ജോലി ചെയ്ത് വരികയാണ്. അതുല്‍ മെഡിക്കല്‍ കോളേജില്‍ പിജി ചെയ്യുന്നു. അറസ്റ്റിലായ ഇരുവര്‍ക്കുമെതിരെ മനപൂര്‍വമായ നരഹത്യയ്ക്ക് കേസെടുക്കുമെന്ന് പൊലീസ് അറിയിച്ചിട്ടുണ്ട്.
