തൃക്കാക്കര ഉപതെരഞ്ഞെടുപ്പിലെ യുഡിഎഫ് വിജയത്തിൽ മണ്ഡലത്തിലെ ജനങ്ങൾക്ക് അഭിനന്ദനമറിയിച്ച് അഡ്വ ഫാത്തിമ തഹ്ലിയ. ‘കേരളത്തിലെ മതേതര ജനാധിപത്യ വിശ്വാസികളുടെ ബ്ലഡ് പ്രഷർ നോർമലാണെന്ന് തെളിയിച്ച തൃക്കാക്കരക്കാർക്കും പ്രിയ ഡോക്ടർക്കും നന്ദി! എന്നാണ് ഫാത്തിമ തഹ്ലിയ ഫേസ്ബുക്കിൽ പോസ്റ്റ് ചെയ്യ്തിരിക്കുന്നത്.
ഇടത് സ്ഥാനാർത്ഥിയായിരുന്ന ഡോ. ജോ ജോസഫിനെ പരിഹസിച്ച് കൊണ്ടാണ് ഫാത്തിമ തഹ്ലിയയുടെ ഫേസ്ബുക്ക് പോസ്റ്റ്. തൃക്കാക്കരയിലൂടെ സെഞ്ചുറി അടിക്കാൻ വന്ന മുഖ്യമന്ത്രി പിണറായി വിജയൻ ക്ലീൻബൗളായി എന്നായിരുന്നു കോൺഗ്രസ് നേതാവ് രമേശ് ചെന്നിത്തല പ്രതികരിച്ചത്.
മുഖ്യമന്ത്രി നേതൃത്വത്തിൽ മന്ത്രിമാർ മുഴുവൻ തൃക്കാക്കരയിൽ എത്തിയിട്ടും ജനങ്ങൾ എൽഡിഎഫിനെ തള്ളിക്കളഞ്ഞെന്നും അദ്ദേഹം പറഞ്ഞു. ജനവിരുദ്ധമായ നയങ്ങൾ തുടരുന്ന സർക്കാരിനെതിരെയുള്ള ശക്തമായ ജനവിധിയായിരുന്നു തൃക്കാക്കര ഉപതെര‍ഞ്ഞെടുപ്പിലേത് തൃക്കാക്കര ഉപതെരഞ്ഞെടുപ്പ് വോട്ടെണ്ണൽ പൂർത്തിയായപ്പോൾ ഇരുപത്തായ്യായിരത്തിലധികം വോട്ടിന്റെ ചരിത്ര ഭൂരിപക്ഷമാണ് ഉമാ തോമസ് നേടിയത്.
70101 വോട്ടാണ് യുഡിഎഫ് സ്ഥാനാർത്ഥി ഉമാ തോമസിന് ലഭിച്ചത്. എൽഡിഎഫ് സ്ഥാനാർത്ഥി ജോ ജോസഫിന് 45836 ഉം എൻഡിഎ സ്ഥാനാർത്ഥി എ എൻ രാധാകൃഷ്ണന് 12590 വോട്ടും ലഭിച്ചു.