കൊച്ചി മുനമ്പത്ത് മത്സ്യ ബന്ധനത്തിന് പോയ ഫൈബര്‍ വള്ളം മറിഞ്ഞ് നാല് മത്സ്യത്തൊഴിലാളികളെ കാണാതായി. മാലിപ്പുറം സ്വദേശികളായ അപ്പു, മോഹനന്‍, താഹ, ആലപ്പുഴ സ്വദേശി രാജു എന്നിവരാണ് അപകടത്തെ തുടര്‍ന്ന് കാണാതായത്. ഇവര്‍ക്കായി കോസ്റ്റല്‍ പൊലീസും മത്സ്യത്തൊഴിലാളികളും സംയുക്തമായി തിരച്ചില്‍ തുടരുന്നു.
മത്സ്യബന്ധനത്തിന് പോയ വള്ളത്തില്‍ ഏഴ് പോരുണ്ടായിരുന്നു. ഇതില്‍ മൂന്ന് പേരെ ഇന്നലെ രാത്രി രക്ഷപ്പെടുത്തിയിരുന്നു. അപകടത്തില്‍ നിന്ന് രക്ഷപ്പെട്ടവര്‍ ഫോര്‍ട്ട് കൊച്ചിയിലെ ആശുപത്രിയില്‍ ചികിത്സയില്‍ തുടരുന്നു. മുനമ്പത്ത് നിന്ന് പത്ത് നോട്ടിക്കല്‍ മൈല്‍ അകലെയാണ് അപകടം നടന്നത്. വള്ളത്തിലേക്ക് വെള്ളം ഇരച്ച് കയറുകയായിരുന്നുവെന്ന് ്പകടത്തില്‍ നിന്ന് രക്ഷപ്പെട്ടവര്‍ പറയുന്നു.
Read more
തിരച്ചിലിനായി കൂടുതല്‍ ബോട്ടുകള്‍ എത്തിയിട്ടുണ്ട്. വള്ളത്തിന് പുറകില്‍ നിന്ന് വെള്ളം ഇരച്ച് കയറി മുങ്ങുകയായിരുന്നുവെന്നും ബോട്ടിലുണ്ടായിരുന്ന കാനില്‍ പിടിച്ചാണ് രക്ഷപ്പെട്ടതെന്നും അപകടത്തില്‍ നിന്ന് രക്ഷപ്പെട്ട മത്സ്യത്തൊഴിലാളി പറഞ്ഞു.
