തൃശൂർ ചാലക്കുടിയിൽ ഹരിത കർമ സേന ശേഖരിച്ച മാലിന്യകൂമ്പാരത്തിന് തീപിടിച്ചു. ഉച്ചയ്ക്ക് ഒന്നരയോടെയാണ് തീപിടുത്തം ഉണ്ടായത്. പ്ലാസ്റ്റിക് മാലിന്യങ്ങളുൾപ്പെടെയുള്ളവയാണ് മാലിന്യക്കൂമ്പാരത്തിൽ ഉണ്ടായിരുന്നത്. നിലവിൽ ചൂട് കൂടി നിൽക്കുന്ന സാഹചര്യമായതിനാൽ വലിയ രീതിയിൽ തീ പടർന്ന് പിടിച്ചു. അഗ്നിശമന സേനയുടെ വിവിധ യൂണിറ്റുകളെത്തിയാണ് തീ നിയന്ത്രണവിധേയമാക്കിയത്. തീ പൂർണ്ണാമായി അണക്കാനുള്ള ശ്രമം തുടരുകയാണ്.
