ആരോഗ്യ വകുപ്പ് നിയമന തട്ടിപ്പ് വിവാദത്തില്‍ നടന്ന ഗൂഢാലോചനയ്ക്ക് പിന്നില്‍ മാധ്യമ പ്രവര്‍ത്തകരും ഉണ്ടെന്ന് ആരോഗ്യ മന്ത്രി വീണാ ജോര്‍ജ്ജ്. നിയമന തട്ടിപ്പ് ആരോപണം ഉന്നയിച്ചവര്‍ തന്നെ ഗൂഢാലോചന വെളിപ്പെടുത്തണമെന്നും മന്ത്രി പറഞ്ഞു. വെളിപ്പെടുത്തിയില്ലെങ്കില്‍ താന്‍ എല്ലാം തുറന്ന് പറയുമെന്നും മന്ത്രി വ്യകാതമാക്കി.
കേരള രാഷ്ട്രീയത്തില്‍ ഏറെ കോളിളക്കം സൃഷ്ടിച്ച ആരോപണത്തില്‍ പരാതിക്കാരന്‍ ഹരിദാസ് മൊഴി മാറ്റി പറഞ്ഞിരുന്നു. അതേസമയം നിയമന തട്ടിപ്പ് കേസിലെ രണ്ടാം പ്രതി ലെനിന്‍ രാജിന്റെ മുന്‍കൂര്‍ ജാമ്യ അപേക്ഷ കോടതി തള്ളി. തിരുവനന്തപുരം അഡീഷനല്‍ സെഷന്‍സ് കോടതിയുടെതാണ് ഉത്തരവ്.
Read more
പരാതിക്കാരന്‍ ഹരിദാസിന്റെ മരുമകള്‍ക്ക് ഓഫീസര്‍ തസ്തികയില്‍ ജോലി നല്‍കാമെന്ന് വാഗ്ദാനം നല്‍കി ഒന്നും രണ്ടും പ്രതികളുടെ ബാങ്ക് അക്കൗണ്ടില്‍ പണം അയപ്പിച്ചു എന്നാണ് പ്രോസിക്യൂഷന്‍ വാദം.കേസിലെ ഒന്നാം പ്രതി അഖില്‍ സജീവ്, മൂന്നാം പ്രതി റയീസ്, നാലാം പ്രതി ബാസിത് എന്നിവര്‍ ജുഡീഷ്യല്‍ കസ്റ്റഡിയില്‍ ആണ്.
