കള്ളപ്പണക്കേസുമായി ബന്ധപ്പെട്ട് ഝാര്‍ഖണ്ഡ് മുഖ്യമന്ത്രി ഹേമന്ത് സോറന്റെ ഔദ്യോഗിക വസതിയില്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) സംഘം. റാഞ്ചിയിലെ വീട്ടിലെത്തിയ ഉദ്യോഗസ്ഥര്‍ക്കെതിരെ പ്രതിഷേധവുമായി പാര്‍ട്ടി പ്രവര്‍ത്തകര്‍.
ജനുവരി 16-നും 20-നും ഇടയില്‍ ചോദ്യംചെയ്യലിന് ഹാജരാകാന്‍ ഇഡി സോറന് നോട്ടീസ് നല്‍കിയിരുന്നു. എന്നാല്‍, അദേഹം ഹാജരാകാതെ നടക്കുകയായിരുന്നു. തുടര്‍ന്ന് 20-ന് തന്റെ വസതിയിലെത്തി മൊഴി രേഖപ്പെടുത്താന്‍ അദ്ദേഹം അന്വേഷണ ഏജന്‍സിയോട് ആവശ്യപ്പെട്ടു.
വീടിന് മുന്നില്‍ പാര്‍ട്ടി മുന്നണിയുടെയും ഗോത്രവര്‍ഗ്ഗ നേതാക്കളുടെയും നേതൃത്വത്തില്‍ വന്‍ പ്രതിഷേധം തുടരുകയാണ്. നടപടിക്കെതിരെ 14 ഗോത്ര സംഘടനകള്‍ രാജഭവന് മുന്നില്‍ പ്രതിഷേധം പ്രകടനം തുടരുകയാണ്.
Read more
ഝാര്‍ഖണ്ഡിലെ ഭൂമിതട്ടിപ്പുകേസുമായി ബന്ധപ്പെട്ട് ഐ.എ.എസ്. ഓഫീസറടക്കം 14 പേര്‍ അറസ്റ്റിലായിരുന്നു. ഇതിനു പിന്നാലെയാണ് മുഖ്യമന്ത്രിക്ക് നേരെ കേസ് മാറിയത്. കഴിഞ്ഞവര്‍ഷം നവംബറില്‍ അനധികൃത ഖനികളുമായി ബന്ധപ്പെട്ട കേസിലും സോറനെ എന്‍ഫോഴ്‌സ്‌മെന്റ് ഡയറക്ടറേറ്റ് ചോദ്യംചെയ്തിരുന്നു.
