തിരുവനന്തപുരം വിമാനത്താവളത്തില്‍ യൂസര്‍ ഫീയിൽ വൻ വർദ്ധന; യാത്രക്കാര്‍ക്ക് ഇരുട്ടടി

തിരുവനന്തപുരത്ത് നിന്നുള്ള ആഭ്യന്തര, രാജ്യാന്തര വിമാനയാത്രക്കാർക്ക് വന്‍ തിരിച്ചടിയായി യൂസര്‍ ഫീ വർദ്ധന. ജൂലൈ ഒന്നുമുതല്‍ യൂസര്‍ ഫീ 50 ശതമാനമാണ് വർദ്ധിപ്പിച്ചത്. ആഭ്യന്തര വിമാനയാത്രയ്ക്ക് 264 രൂപയും രാജ്യാന്തര യാത്രയ്ക്ക് 631 രൂപയും അധികം നല്‍കണം. തിരുവനന്തപുരം വിമാനത്താവളം അദാനി ഗ്രൂപ് ഏറ്റെടുത്തശേഷമുളള ആദ്യ നിരക്ക് വര്‍ധനയാണിത്.

പുതുക്കിയ നിരക്ക് അനുസരിച്ച് തിരുവനന്തപുരം വിമാനത്താവളത്തില്‍ നിന്നുള്ള ആഭ്യന്തര യാത്രയ്ക്ക് ജൂലൈ ഒന്നുമുതല്‍ യുസര്‍ ഫീ 770 രൂപയാകും. ഇപ്പോള്‍‍ അത് 506 രൂപയാണ്. വര്‍ധന 264 രൂപയാണ്. രാജ്യാന്തര യാത്രക്കാര്‍ക്ക് 1262 രൂപയായിരുന്ന യൂസര്‍ ഫീ 1893 രൂപയാകും. പതിവു വിമാനയാത്രക്കാർക്ക് വന്‍തിരിച്ചടിയാണ് അസാധാരണ നിരക്ക് വര്‍ധന. എര്‍പോര്‍ട്ട് ഇക്കോണോമിക് റഗുലേറ്റി അതോറിറ്റിയുടെതാണ് ഉത്തരവ്. മറ്റ് വിമാനത്തവളങ്ങളിലൊന്നും വര്‍ധനയില്ല. നിരക്കുകള്‍ ഇപ്രകാരം

യൂസര്‍ഫീ നിരക്ക്

തിരുവനന്തപുരം–506.00

കൊച്ചി–319.00

കോഴിക്കോട്–508.00

ചെന്നൈ–467.00

മുംബൈ–ഇല്ല

ഡല്‍ഹി–62.00

നിരക്ക് വര്‍ധന ഇനിയും വർധിക്കും. അടുത്തവര്‍ഷം തിരുവനന്തപുരത്ത് നിന്ന് ആഭ്യന്തര വിമാനയാത്രക്കാര്‍ക്ക് യൂസര്‍ ഫീ 840 രൂപയും അതിനടുത്ത വര്‍ഷം 910 രൂപയുമാകും.