കൂടത്തായി കേസ് പ്രതി ജോളിയുമായുള്ള വിവാഹബന്ധം ഉപേക്ഷിക്കാനൊരുങ്ങി ഭര്‍ത്താവ്. ജോളി ജോസഫിനെതിരെ ഭര്‍ത്താവ് ഷാജു സക്കറിയ കോഴിക്കോട് കുടുംബകോടതിയില്‍ വിവാഹമോചന ഹര്‍ജി നല്‍കി. കൂടത്തായി കേസില്‍ കോഴിക്കോട് ജില്ലാ ജയിലില്‍ റിമാന്‍ഡിലാണ് ജോളി. വിവാഹമോചന ഹര്‍ജിയില്‍ ജയില്‍ സൂപ്രണ്ട് വഴി നോട്ടീസ് എത്തിക്കും.
ആദ്യഭാര്യയെയും മകളെയും കൊലപ്പെടുത്തിയതടക്കം ആറ് കൊലപാതക കേസില്‍ ജോളി പ്രതിയായെന്നും തന്നെയും കൊലപ്പെടുത്താന്‍ വ്യാജമൊഴി നല്‍കിയെന്നുമാണ് ഹര്‍ജിയിലെ ആവശ്യം.
ഷാജുവിന്റെ ആദ്യഭാര്യ സിലിയുടെയുംജോളിയുടെ ആദ്യഭര്‍ത്താവ് റോയിയുടെ മരണശേഷമാണ് 2017ല്‍ റോയിയുടെ പിതൃസഹോദര പുത്രനായ ഷാജു ജോളിയെ വിവാഹം ചെയ്യുന്നത്. 2019ല്‍ സിലിയുടെതും, റോയിയുടെതുമടക്കം ആറ് കൊലപാതകങ്ങള്‍ ചെയ്തത് ജോളിയാണെന്ന് പൊലീസ് കണ്ടെത്തുകയായിരുന്നു. വിവാഹമോചന ഹര്‍ജി കോടതി ഒക്ടോബര്‍ 26ന് പരിഗണിക്കും