തിരുവനന്തപുരം ആറ്റിങ്ങലില്‍ യുവാവ് ഭാര്യാമാതാവിനെ ഫ്‌ളാറ്റില്‍ കയറി തലയ്ക്കടിച്ച് കൊലപ്പെടുത്തി. ആറ്റിങ്ങല്‍ രേണുക അപ്പാര്‍ട്ട്‌മെന്റ്‌സിലെ ബാബുവിന്റെ ഭാര്യ പ്രീതയാണ് കൊല്ലപ്പെട്ടത്. കഴിഞ്ഞ ദിവസം രാത്രി 11 മണിയോടെ ആയിരുന്നു സംഭവം നടന്നത്. സംഭവത്തില്‍ കൊല്ലപ്പെട്ട പ്രീതയുടെ മൂത്ത മകള്‍ ബിന്ധ്യയുടെ ഭര്‍ത്താവിനെ പൊലീസ് കസ്റ്റഡിയിലെടുത്തിട്ടുണ്ട്.
രാത്രി ഫ്‌ളാറ്റിലെത്തിയ പ്രതി ചുറ്റിക കൊണ്ട് പ്രീതയുടെ തലയ്ക്കടിക്കുകയായിരുന്നു. ആക്രമണത്തില്‍ ഗുരുതരമായി പരിക്കേറ്റ പ്രീതയെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ചികിത്സയിലിരിക്കെ ബുധനാഴ്ച പുലര്‍ച്ചെ മരിക്കുകയായിരുന്നു. ആക്രമണം നടന്ന സമയം പ്രീതയും ഭര്‍ത്താവും മാത്രമാണ് ഫ്‌ളാറ്റിലുണ്ടായിരുന്നത്.
കേസിലെ പ്രതി അനിലും കൊല്ലപ്പെട്ട പ്രീതയുടെ മകള്‍ ബിന്ധ്യയും തമ്മിലുള്ള വിവാഹമോചന കേസ് നടന്നുവരികയാണ്. പ്രതിയെ ഭയന്ന് ബിന്ധ്യയും കുട്ടികളും പള്ളിപ്പുറത്തെ ഫ്‌ളാറ്റിലാണ് താമസം.
