പ്രമുഖ രാഷ്ട്രീയ നേതാക്കള്‍ തനിക്കെതിരെ വ്യാപക ആക്രമണം നടത്തുന്നതായി ശ്രീകൃഷ്ണന്റെ ചിത്രം പ്രധാനമന്ത്രിയ്ക്ക് സമ്മാനിച്ച ജസ്‌ന സലിം. തനിക്കും കുടുംബത്തിനും പുറത്തിറങ്ങി നടക്കാന്‍ സാധിക്കാത്ത അവസ്ഥയാണെന്നും ജസ്‌ന പറഞ്ഞു. ഒരു ഓണ്‍ലൈന്‍ മാധ്യമ പ്രവര്‍ത്തകന്‍ ഉള്‍പ്പെടെ തനിക്കെതിരെ ആക്രമണം നടത്തുന്നതായാണ് ജസ്‌നയുടെ വെളിപ്പെടുത്തല്‍.
കോണ്‍ഗ്രസ് നേതാവ് ടി സിദ്ദിഖ്, ബിജെപി നേതാവ് ശോഭ സുരേന്ദ്രന്‍, ഓണ്‍ലൈന്‍ മാധ്യമപ്രവര്‍ത്തകന്‍ റോഷന്‍ എന്നിവര്‍ക്കെതിരെയാണ് ജസ്‌നയുടെ ആരോപണം. റോഷന്‍ തന്നെ നിരന്തരം ഉപദ്രവിച്ചെന്നും ഇയാള്‍ക്കെതിരെ നല്‍കിയ കേസുകള്‍ അട്ടിമറിക്കപ്പെട്ടുവെന്നും ജസ്‌ന പറയുന്നു. ടി സിദ്ദിഖ് റോഷനെ സഹായിക്കുന്നതായാണ് ജസ്‌നയുടെ ആരോപണം.
Read more
തന്നെ സഹായിക്കുന്നവരെ അപമാനിക്കാന്‍ ശ്രമം നടക്കുന്നുണ്ടെന്ന് പറഞ്ഞ ജസ്‌ന ബിജെപി നേതാവ് ശോഭ സുരേന്ദ്രനെതിരെയും ആരോപണം ഉന്നയിച്ചു. ശോഭ സുരേന്ദ്രനും തന്നെ ആക്രമിക്കാന്‍ കൂട്ടുനില്‍ക്കുന്നുവെന്നാണ് ആരോപണം. സൈബര്‍ അധിക്ഷേപങ്ങള്‍ക്കെതിരെ പൊലീസ് കമ്മീഷ്ണര്‍ക്ക് പരാതി നല്‍കാനാണ് ജസ്‌നയുടെ തീരുമാനം.
