കായംകുളത്ത് കെഎസ്ഇബി ഓഫീസില്‍ കയറി ഉദ്യോഗസ്ഥനെ ചീത്തവിളിച്ച സംഭവത്തില്‍ സിപിഎം പ്രാദേശിക നേതാവിനെ പാര്‍ട്ടിയില്‍ നിന്ന് സസ്‌പെന്‍ഡ് ചെയ്തു. കായംകുളം എരുവ ലോക്കല്‍ കമ്മിറ്റി അംഗം ആര്‍ ഹരികുമാറിനാണ് സസ്‌പെന്‍ഷന്‍. വീട്ടിലെ വൈദ്യുതി വിച്ഛേദിച്ചതിനെ തുടര്‍ന്ന് കെഎസ്ഇബി ഓഫീസിലെത്തി ഉദ്യോഗസ്ഥനായ ഷാജിയെ ചീത്തവിളിക്കുകയായിരുന്നു.
ഹരികുമാര്‍ കറണ്ടു ബില്ലില്‍ ഇരുപതിനായിരം രൂപ കുടിശിക വരുത്തിയിരുന്നു. വീട്ടിലെ ഫ്യൂസ് അഴിച്ചുമാറ്റിയതിന്റെ പേരില്‍ എരുവ വെസ്റ്റ് ഇലക്ട്രിസിറ്റി ഓഫീസിലെ ഉദ്യോഗസ്ഥനായ ഷാജിയെ അധിക്ഷേപിക്കുകയും സമുദായത്തിന്റെ പേര് പറഞ്ഞ് ആക്ഷേപിച്ചുവെന്നും പരാതിയുണ്ട്.
Read more
അതേസമയം വാര്‍ഡിലെ ഒരാളുടെ വീട്ടിലെ ഫ്യൂസ് ഊരിയതിനെയാണ് താന്‍ചോദ്യം ചെയ്തതെന്നാണ് ഹരികുമാര്‍ പറഞ്ഞിരുന്നത്. കെഎസ്ഇബി ഉദ്യോഗസ്ഥനായ ഷാജിയും പാര്‍ട്ടി അംഗമാണ്.
