മലബാറില്‍ ആദ്യമായി ബിസിനസ് സമ്മിറ്റും ടസ്‌കര്‍ അവാര്‍ഡ് ദാന ചടങ്ങും സംഘടിപ്പിക്കാനൊരുങ്ങി ഇന്‍ഡോ കോണ്ടിനെന്റല്‍ ട്രേഡ് & എന്റര്‍പ്രണര്‍ഷിപ് പ്രൊമോഷന്‍ കൗണ്‍സില്‍. 2024 ഓഗസ്റ്റ് 24ന് വൈകിട്ട് 6.30ന് കോഴിക്കോട് താജ് ഗേറ്റ് വെ ഹോട്ടലില്‍ വച്ചാണ് പരിപാടി.
സൗത്ത് ലൈവ് മലയാളം അസോസിയേറ്റ് പാര്‍ട്ണറായ ചടങ്ങില്‍ പൊതുമരാമത്ത്-ടൂറിസം വകുപ്പ് മന്ത്രി മുഹമ്മദ് റിയാസ് മുഖ്യാതിഥിയാകും. സ്പോര്‍ട്സ്, ഫിഷറീസ്, റെയില്‍വേ, പോസ്റ്റ് ആന്റ് ടെലിഗ്രാഫ് വകുപ്പ് മന്ത്രി വി അബ്ദുറഹിമാന്‍ ആണ് ചടങ്ങിലെ വിശിഷ്ടാതിഥി.
ദേശീയതലത്തിലുള്ള പൊതുമേഖല, സ്വകാര്യമേഖല കമ്പനികളും സ്ഥാപനങ്ങളും ഈ വര്‍ഷത്തെ ടസ്‌കര്‍ അവാര്‍ഡ് ഫോര്‍ എക്സലന്‍സ് പുരസ്‌കാരത്തിനായി മത്സരിക്കുന്നുണ്ട്. ഇത് കൂടാതെ വിദേശ മലയാളികളെയും ഇന്ത്യയുടെ വിവിധ ഭാഗങ്ങളില്‍ പ്രവര്‍ത്തിക്കുന്നവരെയും പുതിയ സംരംഭകരെയും ഈ ചടങ്ങില്‍ അവാര്‍ഡുകള്‍ നല്‍കി ആദരിക്കുന്നുണ്ട്.
ശശി തരൂര്‍ എംപി, എംകെ രാഘവന്‍ എംപി, ചീഫ് സെക്രട്ടറി ഡോ വി വേണു, കേരള റിയല്‍ എസ്റ്റേറ്റ് റെഗുലേറ്ററി അതോറിറ്റി ചെയര്‍മാന്‍ പി.എച്ച് കുര്യന്‍ ഐഎഎസ് എന്നിവരും ചടങ്ങില്‍ പങ്കെടുക്കും.