തിരഞ്ഞെടുപ്പ് അട്ടിമറിക്കാന്‍ ഇടപെടല്‍ ഉന്നതങ്ങളില്‍ നിന്ന്; സ്ഥിരീകരിച്ച് കേരള വര്‍മ കോളേജ് പ്രിന്‍സിപ്പല്‍

തൃശൂര്‍ കേരള വര്‍മ കോളേജില്‍ നടന്ന തിരഞ്ഞെടുപ്പില്‍ കൊച്ചിന്‍ ദേവസ്വം ബോര്‍ഡ് പ്രസിഡന്റ് എംകെ സുദര്‍ശന്‍ ഇടപെട്ടതായി സ്ഥിരീകരണം. റീ കൗണ്ടിംഗ് നടത്തണമെന്ന് കൊച്ചിന്‍ ദേവസ്വം ബോര്‍ഡ് പ്രസിഡന്റ് എംകെ സുദര്‍ശന്‍ നിര്‍ദ്ദേശിച്ചിരുന്നതായി കോളേജ് പ്രിന്‍സിപ്പല്‍ ഇന്‍ ചാര്‍ജ്ജ് ടിഡി ശോഭ പറഞ്ഞു. റീ കൗണ്ടിംഗ് നിറുത്തി വയ്ക്കാന്‍ താന്‍ ആവശ്യപ്പെട്ടിരുന്നതായും ശോഭ കൂട്ടിച്ചേര്‍ത്തു.

മാനേജ്മെന്റ് പറഞ്ഞാല്‍ അനുസരിക്കാതിരിക്കാനാവില്ല. ക്യാമ്പസില്‍ വീണ്ടും തിരഞ്ഞെടുപ്പ് നടത്തണമോ എന്നത് ആലോചിച്ച് തീരുമാനിക്കും. തിരഞ്ഞെടുപ്പ് കാര്യങ്ങളില്‍ പൂര്‍ണ അധികാരം റിട്ടേണിംഗ് ഓഫീസര്‍ക്കാണെന്നും ശോഭ അറിയിച്ചു. കോളേജില്‍ ആദ്യം ഫലപ്രഖ്യാപനം നടക്കുമ്പോള്‍ കെഎസ്‌യു സ്ഥാനാര്‍ത്ഥി ഒരു വോട്ടിന് വിജയിച്ചതായി അറിയിച്ചു. തുടര്‍ന്ന് എസ്എഫ്‌ഐ റീ കൗണ്ടിംഗ് ആവശ്യപ്പെടുകയായിരുന്നു.

തുടര്‍ന്ന് ഒന്നിലേറെ തവണ നടന്ന റീ കൗണ്ടിംഗിനൊടുവില്‍ എസ്എഫ്‌ഐ സ്ഥാനാര്‍ത്ഥി 11 വോട്ടിന് വിജയിച്ചതായി ഫലം വന്നു. ഇതിനിടയില്‍ കോളേജില്‍ വൈദ്യുതി തടസപ്പെട്ടിരുന്നു. എന്നാല്‍ ഈ സമയം ബാലറ്റ് പേപ്പറുകളുടെ എണ്ണം വര്‍ദ്ധിച്ചതായി കെഎസ്‌യു ആരോപിക്കുന്നു. രാത്രി വൈകിയും വോട്ടെണ്ണി തിരഞ്ഞെടുപ്പ് ഫലം അട്ടിമറിച്ചത് ഉന്നത നിര്‍ദേശ പ്രകാരമാണെന്ന് കോണ്‍ഗ്രസ് നേതാക്കള്‍ ഉള്‍പ്പെടെ ആരോപിച്ചിരുന്നു.

ഇതിന് പിന്നാലെയാണ് കൊച്ചിന്‍ ദേവസ്വം ബോര്‍ഡ് പ്രസിഡന്റ് എംകെ സുദര്‍ശന്‍ തിരഞ്ഞെടുപ്പില്‍ ഇടപെട്ടതായി പ്രിന്‍സിപ്പല്‍ ഇന്‍ ചാര്‍ജ്ജ് ആരോപിച്ചത്. അതേസമയം, നിയമപരമായ കൗണ്ടിംഗ് പൂര്‍ത്തിയാക്കാനാണ് താന്‍ നിര്‍ദേശിച്ചതെന്ന വാദവുമായി സുദര്‍ശനും രംഗത്തെത്തിയിട്ടുണ്ട്.

Latest Stories

IPL 2025: സഞ്ജുവും സൂര്യകുമാറും അല്ല, ഏറ്റവും മികച്ച ടി 20 താരം അവനാണ്: ഹർഭജൻ സിങ്

ഇനി പട്ടാളത്തിൽ ! എത്തുക 3000ത്തോളം ഫോഴ്സ് ഗൂർഖകൾ..

മോഹന്‍ലാല്‍ സൈന്യത്തില്‍ തുടരാന്‍ ഇനി അര്‍ഹനല്ല..; പോസ്റ്റുമായി രാമസിംഹന്‍

സെക്ഷന്‍ 124-എയ്ക്ക് ശേഷം കോടതി ചര്‍ച്ചയാക്കുന്ന ആര്‍ട്ടിക്കിള്‍ 19(2); മോദികാലത്ത് വെട്ടിയ 'രാജ്യദ്രോഹത്തിന്' ശേഷം ഇതാ സുപ്രീം കോടതിയുടെ ഒരു അഭിപ്രായസ്വാതന്ത്ര്യ ക്ലാസ്!

ആശമാരുടെ അധിക വേതനം; ബിജെപി, യുഡിഎഫ് പ്രചാരണം തട്ടിപ്പെന്ന് എം ബി രാജേഷ്

'പിണറായി വിജയനെയും കുടുംബത്തെയും വെള്ള പൂശാനുള്ള നടപടികൾ കോൺഗ്രസ് നിർത്തണം, നേതാക്കൾ പിന്തിരിയണം'; ഷോൺ ജോർജ്

29,30,31ദിവസങ്ങളിൽ നിർബന്ധമായും ഓഫീസിൽ എത്തണം; ഈദ് ദിനം നിർബന്ധിത പ്രവൃത്തി ദിനമാക്കി കസ്റ്റംസ് കേരള റീജിയൻ ചീഫ് കമ്മിഷണർ

മ്യാൻമർ, തായ്‌ലൻഡ് ഭൂചലനം; ഇരു രാജ്യങ്ങളിലും അടിയന്തരാവസ്ഥ പ്രഖ്യാപിച്ചു, ഹെൽപ് ലൈൻ തുറന്ന് ഇന്ത്യൻ എംബസി

ഞാന്‍ തെരുവിലൂടെ നടക്കുകയാണെങ്കില്‍ ഭായ് എന്ന് വിളിച്ച് പിന്നാലെ കൂടും, പക്ഷെ എന്റെ സിനിമ കാണാന്‍ അവര്‍ തിയേറ്ററില്‍ പോവില്ല: സല്‍മാന്‍ ഖാന്‍

'സെക്രട്ടറിയേറ്റിന് മുന്നിൽ മുടിമുറിച്ച് പ്രതിഷേധിക്കും'; സമരം കടുപ്പിക്കാൻ ആശമാർ