തൃശൂരില്‍ നഗരമധ്യത്തില്‍ കെട്ടിടത്തിനു മുകളില്‍ നിന്നും ചാടിയ യുവതിക്കും യുവാവിനും ഗുരുതര പരിക്ക്. ഒരു കെട്ടിടത്തില്‍ നിന്ന് മറ്റൊരു കെട്ടിടത്തിലേക്ക് ചാടിയാണ് അപകടം സംഭവിച്ചത്. പെരിങ്ങാട്ട് വീട്ടില്‍ അക്ഷിത്(23), ഓവാട്ട് വീട്ടില്‍ സ്മിന(18) എന്നാവര്‍ക്കാണ് പരിക്കേറ്റത്. ഇരുവരേയും ആശുപത്രിയില്‍ പ്രവേശിപ്പിച്ചു.
ചാവക്കാട് ഇന്ന് രാവിലെ 11 മണിയോടെയായിരുന്നു സംഭവം. ചാവക്കാട് പഴയ നഗരസഭ കെട്ടിടത്തിന് മുകളില്‍ നിന്നും കുടുംബശ്രീ ഹോട്ടല്‍ പ്രവര്‍ത്തിക്കുന്ന കെട്ടിടത്തിലേക്കാണ് ചാടിയത്. നാട്ടുകാരും ചാവക്കാട് പൊലീസും ഫയര്‍ഫോഴ്‌സും ചേര്‍ന്ന് ഏറെ നേരത്തെ പരിശ്രമത്തിന് ഒടുവിലാണ് ഇവരെ താഴെ ഇറക്കിയത്.