ലോകസഭാ തിരഞ്ഞെടുപ്പില്‍ കണ്ണന്താനം മത്സരിക്കണമെന്ന് ബിജെപി കേന്ദ്രനേതൃത്വം. എറണാകുളം മണ്ഡലത്തില്‍ മത്സരിക്കാന്‍ കേന്ദ്ര നേതൃത്വം കണ്ണന്താനത്തിനോട് ആവശ്യപ്പെട്ടെങ്കിലും പത്തനംതിട്ടയാണെങ്കില്‍ നില്‍ക്കാമെന്ന നിലപാടിലാണ് കേന്ദ്രമന്ത്രി. അതേസമയം, പത്തനംതിട്ടക്കായി പാര്‍ട്ടിയില്‍ പൊരിഞ്ഞ തര്‍ക്കം നടക്കുന്നുണ്ടെന്നാണ് സൂചന.
കെ സുരേന്ദ്രന്‍, എംടി രമേശ്, പിഎസ് ശ്രീധരന്‍ പിള്ള എന്നിവരാണ് കണ്ണന്താനത്തിന് പുറമെ പത്തനംതിട്ടയ്ക്കായി രംഗത്തുള്ളത്. സുരേന്ദ്രനെ നിര്‍ത്തിയേക്കുമെന്നാണ് സൂചന. അതേസമയം, പത്തനംതിട്ട മണ്ഡലം കിട്ടിയാല്‍ മത്സരിക്കാമെന്നും ഇല്ലെങ്കില്‍ താല്‍പര്യമില്ലെന്നുമാണ് കണ്ണന്താനം വ്യക്തമാക്കിയത്.
