മൂന്നു വയസുകാരനായ മകനെ ജ്വല്ലറിയില്‍ ഉപേക്ഷിച്ച് കാമുകനോടൊപ്പം കടന്നു കളഞ്ഞ യുവതി പിടിയില്‍. കുഞ്ഞിനെ ഉപേക്ഷിച്ചതിനും ശാരീരികമായി ഉപദ്രവിച്ചതിനും പോക്‌സോ പ്രകാരം യുവതിക്കും കാമുകനുമെതിരെ കേസെടുത്തു. കോഴിക്കോട് സ്വദേശി ലിജിന്‍ ദാസും മങ്ങാട് സ്വദേശിയായ യുവതിയുമാണ് പിടിയിലായത്.
കുഞ്ഞിനെയും യുവതിയെയും കാണാതായ വിവരമറിഞ്ഞ് വിദേശത്തായിരുന്ന ഭര്‍ത്താവ് നാട്ടിലെത്തി പോലീസില്‍ പരാതിപ്പെടുകയായിരുന്നു. പാലക്കാട് ജ്വല്ലറിയില്‍ ഉപേക്ഷിക്കപ്പെട്ട നിലയില്‍ കുഞ്ഞിനെ കണ്ടെത്തുകയായിരുന്നു. കുഞ്ഞിനെ ഉപേക്ഷിച്ച വിവരം യുവതി തന്നെ ബന്ധുക്കളെ വിളിച്ചറിയിച്ചു. പോലീസിനോടൊപ്പമെത്തി ബന്ധുക്കള്‍ പാലക്കാട്ടെത്തി കുഞ്ഞിനെ വീട്ടിലേക്ക് കൂട്ടിക്കൊണ്ടു വന്നു. സൈബര്‍സെല്ലിന്റെ സഹായത്തോടെയാണ് പോലീസ് ഇരുവരെയും കണ്ടെത്തിയത്.
കുട്ടിയെ ശാരീരികമായും മാനസികമായും പീഡിപ്പിച്ചതിന് ജുവനൈല്‍ ജസ്റ്റിസ് ആക്ട് പ്രകാരം യുവതിക്കെതിരെ കേസെടുത്തു. ഇതിന് പ്രേരിപ്പിച്ചതിന് കാമുകനെയും പ്രതിചേര്‍ത്ത് കേസെടുത്തിട്ടുണ്ട്.
ചിത്രത്തിന് കടപ്പാട്: മനോരമ ന്യൂസ്