കെ.എസ്.ആര്.ടി.സി ബസ് മോഷ്ടിച്ചു കടത്തി. കൊല്ലം കൊട്ടാരക്കര ഡിപ്പോയിൽ നിന്നാണ് കെ.എസ്.ആര്.ടി.സി ബസ് മോഷണം പോയത്.
KL 15 7508 നമ്പർ “വേണാട് ” ബസാണ് മോഷ്ടിക്കപ്പെട്ടത്. ഡിപ്പോ അധികൃതർ പൊലീസിൽ പരാതി നൽകി. ഡിപ്പോയ്ക്ക് സമീപം കൊട്ടാരക്കര മുൻസിപ്പാലിറ്റി ഓഫീസിന് മുന്നിൽ നിന്നാണ് മോഷണം പോയത്.
കൊട്ടാരക്കര ഡിപ്പോയിലെ വേണാട് ബസാണ് ഇന്ന് രാവിലെ മോഷണം പോയത്. സര്വീസിനായി ബസ് എടുക്കാന് ഡ്രൈവര് വന്നപ്പോഴാണ് കാണാനില്ലെന്ന് തിരിച്ചറിഞ്ഞത്. ഇന്നലെ രാത്രി ട്രിപ്പ് കഴിഞ്ഞ ശേഷം സര്വീസിനായി ബസ് ഗ്യാരേജില് കയറ്റിയിരുന്നു. സര്വീസ് പൂര്ത്തിയാക്കിയ ശേഷം പുലര്ച്ചെ കൊട്ടാരക്കര ഡിപ്പോയ്ക്ക് സമീപമുള്ള മുന്സിപ്പല് ഓഫീസിന് മുന്നിലാണ് ബസ് നിര്ത്തിയിട്ടിരുന്നത്.
Read more
സിസിടിവി ദൃശ്യങ്ങളുടെ സഹായത്തോടെ പ്രതികളെ കണ്ടെത്താനുള്ള ശ്രമത്തിലാണ് പൊലീസ്.