മുനമ്പം ഭൂമി പ്രശ്നത്തിൽ സമവായ ചർച്ചനടത്തി സാദിഖലി തങ്ങളും പി.കെ.കുഞ്ഞാലിക്കുട്ടിയും. വരാപ്പുഴ ആർച്ച് ബിഷപ്പ് ജോസഫ് കളത്തിപ്പറമ്പിലുമായാണ് നേതാക്കൾ കൂടിക്കാഴ്ച നടത്തിയത്. എത്രയും വേഗം പ്രശ്‌ന പരിഹാരം ഉണ്ടാകണമെന്ന് ചർച്ചയിൽ നിർദേശം. മുനമ്പം ഭൂസംരക്ഷണ സമിതി പ്രതിനിധിയും ചർച്ചയിൽ പങ്കെടുത്തു
മുനമ്പം പ്രദേശവാസികളോട് ലീഗ് നേതാക്കൾ ഐക്യദാർഢ്യം പ്രഖ്യാപിച്ചെന്ന് ആർച്ച് ബിഷപ്പ് അറിയിച്ചു. മാനുഷിക പ്രശ്‌നമാണ്, മതമൈത്രി സംരക്ഷിച്ച് മുന്നോട്ട് പോകണമെന്നും ബിഷപ്പ് പറഞ്ഞു. അതേസമയം ചർച്ച പോസിറ്റീവായിരുന്നുവെന്ന് സാദിഖലി തങ്ങൾ പറഞ്ഞു.
അതേസമയം വിഷയം രമ്യമായി പരിഹരിക്കണമെന്ന് മുസ്ലിം ലീഗ് നേതാവ് പി കെ കുഞ്ഞാലിക്കുട്ടി ആവശ്യപ്പെട്ടു. എത്രയും വേഗം വിഷയത്തിൽ പരിഹാരം ഉണ്ടാകണമെന്നാണ് തീരുമാനം. വിഷയവുമായി ബന്ധപ്പെട്ട ചർച്ചക്ക് ശേഷം പ്രതികരിക്കുകയായിരുന്നു കുഞ്ഞാലിക്കുട്ടി. സൗഹൃദ അന്തരീക്ഷത്തിലുള്ള ചർച്ചയാണ് നടന്നെതെന്നും കുഞ്ഞാലിക്കുട്ടി പറഞ്ഞു.