കേരളത്തെ ദേശീയ തലത്തില്‍ അപമാനിച്ച മലയാളികള്‍; പള്‍സര്‍ സുനിയ്ക്ക് പൂമാലയിട്ട ഓള്‍ കേരള മെന്‍സ് അസോസിയേഷന്‍ നല്‍കുന്ന സന്ദേശമെന്ത്?

കൊച്ചിയില്‍ നടിയെ ആക്രമിച്ച കേസില്‍ ഏഴ് വര്‍ഷം നീണ്ട വിചാരണ തടവിന് ശേഷം ജാമ്യത്തിലിറങ്ങിയ കേസിലെ ഒന്നാംപ്രതി പള്‍സര്‍ സുനിയെ പൂമാലയിട്ട് സ്വീകരിച്ചും അഭിവാദ്യങ്ങളര്‍പ്പിച്ചും ഓള്‍ കേരള മെന്‍സ് അസോസിയേഷന്‍. കേസില്‍ പള്‍സര്‍ സുനി കുറ്റക്കാരനാണെന്ന് കോടതിയ്ക്ക് പൂര്‍ണ്ണ ബോധ്യമുണ്ടായിരുന്നതിനാലാണ് പ്രതിയ്ക്ക് ഇത്രയും കാലം ജാമ്യം അനുവദിക്കാതിരുന്നത്.

കേസില്‍ അവസാന സാക്ഷിയായിരുന്ന പൊലീസ് ഉദ്യോഗസ്ഥന്‍ ബിജു പൗലോസിന്റെയും വാദം പൂര്‍ത്തിയായ സാഹചര്യത്തില്‍ കേസില്‍ നവംബറില്‍ കോടതി വിധി പറയും. സെപ്റ്റംബര്‍ 26 വരെ പ്രതികള്‍ക്ക് പറയാനുള്ളത് കോടതി കേള്‍ക്കും. എന്നാല്‍ കേസില്‍ എവിടെയും പള്‍സര്‍ സുനി കുറ്റവാളിയല്ലെന്ന് അഭ്യൂഹങ്ങള്‍ പോലും ഉണ്ടായിരുന്നില്ല.

നടിയുടെ മൊഴിയില്‍ പള്‍സര്‍ സുനിയാണ് ലൈംഗികമായി പീഡിപ്പിച്ചതെന്ന് വ്യക്തമാക്കുന്നുമുണ്ട്. എന്നാല്‍ സംസ്ഥാനത്തെ തന്നെ അധിക്ഷേപിക്കുന്ന നിലപാടുമായാണ് ഓള്‍ കേരള മെന്‍സ് അസോസിയേഷന്‍ എന്ന മൂന്നാംകിട സംഘടന പൂമാലയുമായി സുനിയെ സ്വീകരിച്ചത്. പീഡനങ്ങള്‍ക്കും ലൈംഗികാതിക്രമങ്ങള്‍ക്കും പരസ്യ പിന്തുണയാണ് സംഘടന ഇതിലൂടെ മുന്നോട്ട് വയ്ക്കുന്നത്.

സോഷ്യല്‍ മീഡിയകളിലൂടെ കുപ്രസിദ്ധി മാത്രം ആഗ്രഹിച്ച് മുന്നോട്ട് വരുന്ന ഇത്തരം സാമൂഹിക വിരുദ്ധന്‍മാര്‍ പള്‍സര്‍ സുനിയെ പോലുള്ള കൊടും കുറ്റവാളികളെ പിന്തുണയ്ക്കുന്നതിലൂടെ നല്‍കുന്ന സന്ദേശം വ്യക്തമാണ്. ആരെയും പീഡിപ്പിക്കാം തുടര്‍ന്ന് അതിന്റെ ദൃശ്യങ്ങള്‍ ഉള്‍പ്പെടെ ഫോണില്‍ പകര്‍ത്തി പ്രചരിപ്പിക്കാം, അത് ഉപയോഗിച്ച് വീണ്ടും ഇരയെ വരുതിയിലാക്കാം എന്ന് തുടങ്ങുന്ന ഒരു സമൂഹത്തിനാകെ വിപത്തായി മാറുന്ന ചിന്തകളെയാണ് ഇത്തരക്കാര്‍ പ്രോത്സാഹിപ്പിക്കുന്നത്.

സുനിയെ ഏറ്റവും കൂടുതല്‍ പിന്തുണച്ച അയാളുടെ അമ്മ പോലും സുനി തെറ്റ് ചെയ്‌തെങ്കില്‍ ശിക്ഷ അനുഭവിക്കണമെന്ന് പറഞ്ഞിരുന്നു. എന്നാല്‍ നാട്ടിലെ ഏത് സ്ത്രീയെ ആക്രമിച്ചാലും തങ്ങള്‍ ഒപ്പമുണ്ടാകും ജയിലില്‍ നിന്ന് ഇറങ്ങുമ്പോള്‍ പൂമാലയിട്ട് പുരസ്‌കാരം നല്‍കുമെന്ന പരസ്യ പിന്തുണയുമായി രംഗത്തെത്തുന്ന സംഘടനകളെ നിയമം മൂലം നിരോധിക്കേണ്ട കാലം അതിക്രമിച്ചു.

കേരളത്തിലാകമാനമുള്ള പുരുഷന്‍മാരെ അപമാനിക്കുന്ന സംസ്ഥാനത്തിന്റെ സ്ത്രീ സുരക്ഷയ്ക്കും തുല്യതയ്ക്കും നേരെ ചെളി വാരിയെറിയുന്ന ഓള്‍ കേരള മെന്‍സ് അസോസിയേഷന്‍ ഇതാദ്യമായല്ല ലൈംഗികാതിക്രമ കേസുകളിലെ പ്രതികളെ പിന്തുണയ്ക്കുന്നത്. നേരത്തെ കെഎസ്ആര്‍ടിസി ബസില്‍ യുവതിയ്ക്ക് നേരെ നഗ്നത പ്രദര്‍ശനം നടത്തിയ സവാദ് എന്ന പ്രതിയെ ജയിലില്‍ നിന്ന് പുറത്തുവരുമ്പോള്‍ പൂമാലയിട്ട് സ്വീകരിച്ച് പിന്തുണ പ്രഖ്യാപിച്ചിരുന്നു.

അന്ന് ഏറെ ചര്‍ച്ചയായ വിഷയം ഇന്ന് കേരളത്തിനെ തന്നെ അപമാനിക്കുന്ന തരത്തിലേക്ക് എത്തിയതിന് പിന്നില്‍ സോഷ്യല്‍ മീഡിയകളിലൂടെ ലഭിച്ച കുപ്രസിദ്ധി മാത്രമാണ്. 2017ല്‍ നടിയെ ആക്രമിച്ച സംഭവും തുടര്‍ന്നുള്ള കേസിന്റെ നാള്‍ വഴികളും ദേശീയ ശ്രദ്ധ നേടിയതാണ്. കേസിലെ ഓരോ നടപടികളും ഇപ്പോഴും ദേശീയ തലത്തില്‍ ചര്‍ച്ചയാകുന്നുമുണ്ട്.

ഈ സാഹചര്യത്തില്‍ സംസ്ഥാനത്തെ ഒന്നടങ്കം ദേശീയ തലത്തില്‍ അപമാനിക്കുന്ന നിലപാടാണ് സ്ത്രീ വിരുദ്ധ സംഘടന കൈക്കൊണ്ടത്. നിയമം മൂലം ഇത്തരം സംഘടനകളെ നിരോധിക്കാത്ത കാലത്തോളം, ലൈംഗികാതിക്രമ കേസിലെ പ്രതികള്‍ക്ക് പരസ്യ പിന്തുണ നല്‍കുന്ന ഇത്തരം സംഘടനകളും വ്യക്തികളും നല്‍കുന്ന സന്ദേശം ഒരു പരിഷ്‌കൃത സമൂഹത്തിന് അംഗീകരിക്കാനാകുന്നതല്ല.

Latest Stories

'ഭീകരവാദികളുടെ സഹോദരി', കേണൽ സോഫിയ ഖുറേഷിക്കെതിരെ ബിജെപി മന്ത്രി നടത്തിയ അധിക്ഷേപ പരാമർശത്തിനെതിരെ കോൺഗ്രസ്; മന്ത്രിയെ ഉടൻ പുറത്താക്കണമെന്ന് ഖാർഗെ

പാക് വ്യോമസേനയുടെ 20% ഇന്ത്യ തകർത്തു, യുദ്ധവിമാനങ്ങൾ നശിപ്പിച്ചു, 50 ലേറെ സൈനികർ കൊല്ലപ്പെട്ടു; ഓപ്പറേഷൻ സിന്ദൂറിലൂടെയുള്ള പാക് നഷ്ടങ്ങളുടെ വിശദാംശങ്ങൾ പുറത്ത്

ഡ്രോൺ സാന്നിധ്യമില്ല, അതിർത്തി ശാന്തം; ഇന്ത്യ- പാക് വെടിനിർത്തൽ ധാരണയ്ക്ക് ശേഷമുള്ള ആദ്യ കേന്ദ്രമന്ത്രിസഭ യോ​ഗം ഇന്ന്

കാന്തപുരത്ത് കാണാതായ കുട്ടികള്‍ മരിച്ച നിലയില്‍, കണ്ടെത്തിയത് സമീപത്തെ കുളത്തില്‍ നിന്ന്

സൂക്ഷിച്ച് നോക്കിയാല്‍ ഒരു മാറ്റം കാണാം, ലോഗോയില്‍ കൈവച്ച് ഗൂഗിള്‍, പത്ത് വര്‍ഷങ്ങള്‍ക്ക് ശേഷം പുതിയ രൂപത്തില്‍

തമ്മിലടിച്ച് ജയസാധ്യത ഇല്ലാതാക്കരുത്, ഐക്യത്തോടെ മുന്നോട്ട് പോവണം, ജയിക്കാനുളള അനുകൂല സാഹചര്യമുണ്ട്, കെപിസിസി നേതാക്കളോട് ഹൈക്കമാന്റ്‌

INDIAN CRICKET: ശുഭ്മാന്‍ ഗില്ലിനെ ക്യാപ്റ്റനാക്കരുത്, നായകനാക്കേണ്ടത് അവനെയാണ്, ഗംതം ഗംഭീറിനെ കാത്തിരിക്കുന്നത് എട്ടിന്റെ പണി, തുറന്നുപറഞ്ഞ് അശ്വിന്‍

കെപിസിസി ഭാരവാഹി തിരഞ്ഞെടുപ്പിലെ വിവാദങ്ങള്‍ മാധ്യമസൃഷ്ടിയെന്ന് രാഹുല്‍ മാങ്കൂട്ടത്തില്‍, ആന്റോ ആന്റണി പങ്കെടുത്തില്ലെന്ന പ്രചാരണം ക്രൂരം

അഖില്‍ മാരാര്‍ ദേശവിരുദ്ധ പ്രസ്താവന നടത്തിയെന്ന് ആരോപണം, പരാതി നല്‍കി ബിജെപി

കശ്മീര്‍ വിഷയത്തില്‍ മൂന്നാംകക്ഷി ഇടപെടല്‍ അനുവദിക്കില്ല, ട്രംപിന്റെ വാദങ്ങള്‍ തളളി ഇന്ത്യ, വ്യാപാരം ചര്‍ച്ചയായിട്ടില്ലെന്നും വിദേശകാര്യ വക്താവ്