കൊല്ലം സ്വദേശിയായ യുവാവിനെ ദുബായില്‍ കാണാനില്ലെന്ന് പരാതി. കൊല്ലം കൊറ്റംങ്കര പുത്തലത്താഴം മീനാക്ഷി വിലാസം ഗവണ്മെന്റ് ഹെയര്‍ സെക്കന്‍ഡറി സ്‌കൂളിന് അടുത്തു താമസിക്കുന്ന സുരേഷ് കുമാര്‍ സൂരജിനെയാണ് (24) കഴിഞ്ഞ അഞ്ച് ദിവസമായി കാണാതായിരിക്കുന്നത്. ഇതു സംബന്ധിച്ച് ബന്ധുക്കള്‍ മുറഖബാദ് പൊലീസ് സ്‌റ്റേഷനില്‍ പരാതി നല്‍കി.
ക്രെഡിറ്റ് കാര്‍ഡ് സെയില്‍സുമായി ബന്ധപ്പെട്ട മേഖലില്‍ ജോലി ചെയ്യ്തു കൊണ്ടിരുന്ന സുരേഷിനെ വ്യാഴാഴ്ച രാവിലെയാണ് താമസ സ്ഥലത്ത് നിന്ന് പോയത്. ആറ് മാസം മുന്‍പ് സന്ദര്‍ശക വിസയില്‍ എത്തിയ സുരേഷ് ഹോര്‍ലാന്‍സിലെ അല്‍ ഷാബ് വില്ലേജിലായിരുന്നു താമസിച്ചിരുന്നത്.
ഇദ്ദേഹത്തെ കുറിച്ച് അറിയുന്നവര്‍ പൊലീസ് സ്റ്റേഷനിലോ താഴെ കാണുന്ന നമ്പറുകളിലോ അറിയിക്കണമെന്ന് ബന്ധുക്കള്‍ അഭ്യര്‍ഥിച്ചു. ഫോണ്‍: +971522809525, +971 524195588.