കൊല്ലം കരുനാഗപ്പള്ളിയില്‍ നിന്ന് കാണാതായ ഇരുപതുകാരിയെ കണ്ടെത്തി. കഴിഞ്ഞ 18ന് ആണ് കുഴിത്തുറ സ്വദേശിനിയായ ഐശ്വര്യ അനിലിനെ കാണാതാകുന്നത്. നിലവില്‍ പെണ്‍കുട്ടി തൃശൂര്‍ ഉണ്ടെന്നും പൊലീസ് സംരക്ഷണയില്‍ സുരക്ഷിതയാണെന്നുമാണ് പുറത്തുവരുന്ന വിവരം.
തൃശൂരില്‍ പ്രവര്‍ത്തിക്കുന്ന ധ്യാന കേന്ദ്രത്തില്‍ നിന്നാണ് പെണ്‍കുട്ടിയെ കണ്ടെത്തിയത്. സിസിടിവി ദൃശ്യങ്ങളുടെ അടിസ്ഥാനത്തില്‍ നടത്തിയ അന്വേഷണത്തിലാണ് പെണ്‍കുട്ടിയെ തൃശൂരില്‍ കണ്ടെത്തിയത്. പെണ്‍കുട്ടിയെ കാണാനില്ലെന്ന് കാട്ടി മാതാവ് നേരത്തെ പൊലീസില്‍ പരാതി നല്‍കിയിരുന്നു.
ഇതേ തുടര്‍ന്ന് നടത്തിയ അന്വേഷണത്തിലാണ് പെണ്‍കുട്ടിയെ കണ്ടെത്തിയത്. പെണ്‍കുട്ടിയെ തിരികെ കൊണ്ടുവരുന്നതിനായി കൊല്ലത്ത് നിന്നുള്ള പൊലീസ് സംഘം തൃശൂരിലേക്ക് തിരിക്കും. ഓണ്‍ലൈന്‍ ഗെയിം കളിച്ചതിനെ തുടര്‍ന്ന് മാതാവ് വഴക്കുപറഞ്ഞിരുന്നു. ഇതിന് പിന്നാലെ 18ന് രാവിലെ മുതല്‍ പെണ്‍കുട്ടിയെ കാണാതാകുകയായിരുന്നു.