കല്‍പറ്റ എംഎല്‍എ ടി സിദ്ധിഖിന്റെ വാഹനം അപകടത്തില്‍പ്പെട്ടു. കുന്ദമംഗലം ഭാഗത്തേക്ക് പോവുകയായിരുന്ന എംഎല്‍എയുടെ വാഹനം തെറ്റായ ദിശയില്‍ പ്രവേശിച്ചതിനെ തുടര്‍ന്നാണ് അപകടത്തില്‍പ്പെട്ടത്. കോഴിക്കോട് ഭാഗത്തേക്ക് പോവുകയായിരുന്ന സ്വകാര്യ ബസുമായിട്ടാണ് വാഹനം കൂട്ടിയിടിച്ചത്.
ഇന്ന് രാവിലെ കാരന്തൂര്‍ അങ്ങാടിയിലായിരുന്നു അപകടം. ഗതാഗത കുരുക്കില്‍ നിര്‍ത്തിയിട്ട വാഹനത്തില്‍ അമിത വേഗതയിലെത്തിയ ബസ് ഇടിക്കുകയായിരുന്നുവെന്നാണ് എംഎല്‍എ അപകട സമയത്ത് പറഞ്ഞിരുന്നത്. എന്നാല്‍ എംഎല്‍എയുടെ കാര്‍ തെറ്റായ ദിശയില്‍ പ്രവേശിച്ചതാണ് അപകടത്തിന് കാരണമെന്ന് ചിത്രങ്ങളില്‍ നിന്നും വ്യക്തമാണ്.
അപകടത്തില്‍ ആര്‍ക്കും പരുക്കില്ല. കുറ്റം ബസ് ഡ്രൈവറുടെ മേല്‍ അടിച്ചേല്‍പിക്കാനാണ് എംഎല്‍എ ശ്രമിക്കുന്നതെന്ന് ആരോപണമുണ്ട്.