കോതമംഗലം എസ് എച്ച് കോണ്‍വെന്റില്‍ സന്യസ്ത വിദ്യാര്‍ത്ഥിനിയെ തൂങ്ങിമരിച്ച നിലയില്‍ കണ്ടെത്തി.തൊടുപുഴ വെള്ളിയാമറ്റം സ്വദേശിനിയായ അന്നു അലക്‌സ് ആണ് മരിച്ചത്. 21 വയസായിരുന്നു.
ഇന്നലെ രാത്രിയാണ് സംഭവം. രാത്രി ഭക്ഷണത്തിന് ശേഷം പ്രാര്‍ത്ഥനയ്ക്ക എത്താതിരുന്നതിനെ തുടര്‍ന്ന് നടത്തിയ അന്വേഷണത്തില്‍ അന്നുവിനെ സാരിയില്‍ തൂങ്ങിയ നിലയില്‍ കണ്ടെത്തുകയായിരുന്നു. ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
സംഭവത്തില്‍ കോതമംഗലം പൊലീസ് അന്വേഷണം ആരംഭിച്ചു. ആത്മഹത്യാ കുറിപ്പ് കണ്ടെടുത്തിട്ടുണ്ട്. മരണത്തില്‍ ദുരൂഹതയില്ലെന്നാണ് പ്രാഥമിക നിഗമനം.