സസ്‌പെന്‍ഷനിലായ കൃഷി വകുപ്പ് സ്‌പെഷ്യല്‍ സെക്രട്ടറി സ്ഥാനത്തേക്ക് എന്‍ പ്രശാന്ത് ഐഎഎസിനെ തിരിച്ചെടുക്കണമെന്ന് ആവശ്യപ്പെട്ട് ഭരണപക്ഷ യൂണിയനുകള്‍ ഉള്‍പ്പെടെ മുഖ്യമന്ത്രിയ്ക്ക് കത്ത് നല്‍കി. കേരള അഗ്രോ മെഷീനറി കോര്‍പറേഷന്‍ യൂണിയനുകളാണ് മുഖ്യമന്ത്രിയ്ക്ക് കത്ത് നല്‍കിയിരിക്കുന്നത്.
എന്‍ പ്രശാന്ത് മാനേജിംഗ് ഡയറക്ടറായി ചുമതലയേറ്റ ശേഷം കാംകോയുടെ പ്രവര്‍ത്തനം ലോക നിലവാരത്തിലേക്ക് എത്തിയെന്നും പ്രശാന്തിനെ തിരികെ നിയമിക്കണമെന്നും ആവശ്യപ്പെട്ടാണ് കത്ത്. എഐടിയുസി, സിഐടിയു, കാംകോ ഓഫീസേഴ്‌സ് അസോസിയേഷന്‍, കാംകോ എന്‍ജിനിയേഴ്‌സ് അസോസിയേഷന്‍ എന്നീ സംഘടനകളാണ് കത്ത് നല്‍കിയത്.
Read more
എന്‍ പ്രശാന്തിന്റെ സസ്‌പെന്‍ഷനില്‍ നേരത്തെ ജീവനക്കാര്‍ പ്രതിഷേധം രേഖപ്പെടുത്തിയിരുന്നു. പിന്നാലെ എന്‍ പ്രശാന്ത് തന്റെ ഫേസ്ബുക്ക് പേജിലൂടെ ജീവനക്കാര്‍ക്ക് നന്ദി അറിയിച്ച് രംഗത്തെത്തിയിരുന്നു. ഇതിന് പിന്നാലെയാണ് യൂണിയനുകള്‍ സംയുക്തമായി പ്രശാന്തിനെ തിരിച്ചെടുക്കണമെന്ന് ആവശ്യപ്പെട്ട് മുഖ്യമന്ത്രിയ്ക്ക് കത്ത് നല്‍കിയത്.
