തനിക്ക് അര്‍ബുദ രോഗം തിരിച്ചറിഞ്ഞുവെന്നും ശസ്ത്രക്രിയയ്ക്ക് വിധേയയായെന്നും വെളിപ്പെടുത്തി ജോസ് കെ മാണി എംപിയുടെ ഭാര്യ നിഷ ജോസ് കെ മാണി.
രോഗലക്ഷണങ്ങള്‍ ഒന്നുംതന്നെ ഇല്ലായിരുന്നുവെന്നും മാമോഗ്രാം വഴിയാണ് രോഗം കണ്ടെത്താന്‍ കഴിഞ്ഞതെന്നും അവര്‍ സമൂഹ്യമാധ്യത്തിലൂടെ പുറത്തുവിട്ട വീഡിയോയില്‍ പറയുന്നു.
2013 മുതല്‍ കാന്‍സര്‍ രോഗികളെ സഹായിക്കുന്നത് അടക്കമുള്ള പ്രവര്‍ത്തനങ്ങളില്‍ ഏര്‍പ്പെടുന്നുണ്ട്. ക്യാമ്പുകളടക്കം നടത്തി മാമോഗ്രാമിന്റെ പ്രാധാന്യത്തെപ്പറ്റി അവബോധം നല്‍കുന്നുണ്ട്. താനും വര്‍ഷത്തിലൊരിക്കല്‍ മാമോഗ്രാം ചെയ്യാറുണ്ടായിരുന്നു. 2023 ഒക്ടോബറില്‍ നടത്തിയ മാമോഗ്രാമിലാണ് രോഗം കണ്ടെത്തിയതെന്ന് അവര്‍ വെളിപ്പെടുത്തി. ജൂണ്‍ 19, 2013 ഞാനൊരു ഹെയര്‍ ഡൊണേഷന്‍ വിഗ് ഡൊണേഷന്‍ മൂവ്‌മെന്റ് തുടങ്ങിയ ദിവസമാണ്. അതിന് ശേഷം ഒത്തിരി രോഗികളെ കണ്ടു, അവരെ സഹായിച്ചു. കൂടാതെ കാന്‍സര്‍ അവയര്‍നെസ് ക്യാമ്പുകള്‍ നടത്താന്‍ പറ്റി. സെല്‍ഫ് എക്‌സാമിനേഷന്റെയും മാമോഗ്രാമിന്റെയും ആവശ്യകത ആളുകളെ മനസ്സിലാക്കി കൊടുക്കാറുണ്ട്’.
കഴിഞ്ഞ മാസം മാമോഗ്രാം ചെയ്തപ്പോഴാണ് അര്‍ബുദമാണെന്ന് മനസ്സിലായതെന്നും നിഷ പറഞ്ഞു. തനിക്ക് രണ്ട് ഭാഗ്യമാണ് ഉള്ളത്. ഒന്ന് കുടുംബത്തിന്റെ സപ്പോര്‍ട്ട്. ജോസ് എല്ലാ സമയത്തും എന്റെ കൂടെ ഉണ്ടായിരുന്നു. കുടുംബാംഗങ്ങളും ഒപ്പം നിന്നു. പിന്നെ എന്റെ ഉള്ളിലുള്ള സ്‌ട്രെങ്ത്ത്. എത്രയോ രോഗികളെ കാണുന്നുണ്ട്. ആ ഒരു സ്‌ട്രെങ്ത്ത് ദൈവം തന്നതുകൊണ്ട് കാന്‍സറിനെ കീഴടക്കിയിട്ടേ ഉള്ളു ഇനി കാര്യമെന്ന് നിഷ് പറഞ്ഞു.