കെ.വി തോമസ് പൊതുപ്രവർത്തനം അവസാനിപ്പിക്കണമെന്ന് എൻ.കെ പ്രേമചന്ദ്രൻ എം.പി. തൃക്കാക്കരയിലേത് പിണറായി വിരുദ്ധ തരംഗമാണ്. ഭരണപരാജയത്തിന് ജനങ്ങൾ നൽകിയ സാക്ഷ്യപത്രമാണ് വിധിയെഴുത്ത്. മതപരവും സാമുദായികവുമായ വിഭാഗീയത വളർത്തി രാഷ്ട്രീയ മുതലെടുപ്പ് നടത്താനുളള സിപിഎമ്മിൻറെ അടവ് നയരാഷ്ട്രീയ നയത്തിനേറ്റ കനത്ത പ്രഹരമാണിത്.
ഭൂരിപക്ഷ വർഗ്ഗീയതയേയും ന്യൂനപക്ഷ വർഗ്ഗീയതയേയും തരാതരംപോലെ പ്രീണിപ്പിച്ച് വോട്ട് നേടാമെന്ന സിപിഎം തന്ത്രത്തിന് ജനം നൽകിയ കനത്ത തിരിച്ചടിയാണ ഇത് എന്ന് അദ്ദേഹം വ്യക്തമാക്കി. സിൽവർലൈൻ പദ്ധതി സംസ്ഥാന സർക്കാർ ഉപേക്ഷിക്കണം. സാമുദായിക ധ്രുവീകരണം നടത്തി നേട്ടം കൊയ്യാനുള്ള തന്ത്രത്തിന് തിരിച്ചടിയേറ്റു.
Read more
യുഡിഎഫ് നടത്തിയത് മുഖ്യമന്ത്രിക്കെതിരായ രാഷ്ട്രീയപോരാട്ടമെന്നും എൻ.കെ പ്രേമചന്ദ്രൻ പറഞ്ഞു. മുഖ്യമന്ത്രിയും മന്ത്രിമാരും സിപിഎം സെക്രട്ടറിയേറ്റും പോലീസ് ഉൾപ്പെടെയുളള ഭരണയന്ത്രങ്ങളും അധികാര ദുർവിനിയോഗം നടത്തിയിട്ടും അതിൽ വഞ്ചിതരാകാതെ ജനാധിപത്യം സംരക്ഷിച്ച തൃക്കാക്കരയിലെ പ്രബുദ്ധരായ വോട്ടറന്മാരെ അഭിവാദ്യം ചെയ്യുന്നു എന്നും അദ്ദേഹം കൂട്ടി ചേർത്തു.
