തൃണമൂൽ കോൺഗ്രസ് വഴിയുള്ല മുന്നണി പ്രവേശനം പ്രയാസമായതിനാൽ പിവി അൻവറിന് മുന്നിൽ പുതിയ ഉപാധിവച്ച് കോൺഗ്രസ്. യുഡിഎഫിലേക്ക് പ്രവേശിക്കണമെങ്കിൽ കേരള പാർട്ടി രൂപീകരിക്കണമെന്നാണ് കോൺഗ്രസ് വച്ച ഉപാധി. നാളെ നടക്കുന്ന കൂടിക്കാഴ്ചയിൽ കോൺഗ്രസ് ഇക്കാര്യം ആവശ്യപ്പെട്ടേക്കും. അൻവർ ഇതിന് വഴങ്ങിയില്ലെങ്കിൽ സഹകരണം മാത്രം മതിയെന്ന നിലപാടിലേക്ക് യുഡിഎഫ് എത്തിയേക്കും.

പിവി അൻവറിനെ മുന്നണിയിലേക്ക് എടുത്താൽ പിന്നീട് തലവേദനയാകുമോ എന്ന ആശങ്കകൾ ചില ഘടകകക്ഷികൾ കോൺഗ്രസിനെ അറിയിച്ചതായാണ് വിവരം. പിവി അൻവറുമായി സഹകരണം മതിയെന്ന അഭിപ്രായം യുഡിഎഫിൽ ശക്തമാണ്. അതുകൊണ്ട് തന്നെ അൻവർ പുതിയ പാർട്ടി സംസ്ഥാനത്ത് രൂപീകരിക്കുന്നതാവും ഉചിതമെന്നാണ് കോൺഗ്രസ് നേതാക്കളുടെ അഭിപ്രായം.

Read more

'ഓപ്പറേഷന്‍ സിന്ദൂര്‍', സിനിമ പ്രഖ്യാപിച്ചതോടെ കടുത്ത വിമര്‍ശനം; മാപ്പ് പറഞ്ഞ് സംവിധായകന്‍

ഇതൊരു സോംബി ചിത്രമല്ല, പക്ഷെ എപിക് ഫാന്റസി ആണ്..; പരാജയത്തില്‍ നിന്നും വന്ന ബ്രാന്‍ഡ്, മൂന്നാം ഭാഗത്തിന് തിരി കൊളുത്തി പാപ്പനും പിള്ളേരും

എന്ത് എങ്ങനെ ചെയ്യുമെന്ന് യാതൊരു ബോധവുമില്ലാത്തവരാണ് പാകിസ്ഥാന്‍, വിജയം ഇന്ത്യയ്ക്ക് തന്നെ.. ആര്‍മിക്ക് വേണ്ടി പ്രാര്‍ത്ഥിക്കാം: നവ്യ നായര്‍

'പാക് അതിര്‍ത്തിയില്‍ കുടുങ്ങിയ മണിക്കുട്ടന്‍ ഞാനല്ല..'; റിപ്പോര്‍ട്ടര്‍ ന്യൂസില്‍ വന്നത്‌ വ്യാജ വാര്‍ത്ത, വ്യക്തത വരുത്തി മണിക്കുട്ടന്‍

മേഡത്തെ കണ്ടാല്‍ ദേവതയെ പോലെയുണ്ട്, ഇപ്പോള്‍ വനിതാ തിയേറ്ററിന് മുന്നിലുണ്ടോ? എന്ന് ചോദിച്ച് അയാള്‍ വിളിച്ചു, പിന്നീടാണ് ആളെ മനസിലായത്..; സന്തോഷ് വര്‍ക്കിക്കെതിരെ മായ വിശ്വനാഥ്

അൻവർ യുഡിഎഫിലേക്ക് പോകുന്നത് തൃണമൂൽ കോൺഗ്രസ് നേതാക്കൾക്കിടയിലും അതൃപ്തിയുണ്ട്. ഇക്കാര്യം ചൂണ്ടിക്കാട്ടി തൃണമൂൽ കോൺഗ്രസിലെ ഒരു വിഭാഗം നേതാക്കൾ മമതാ ബാനർജിക്ക് കത്തയച്ചിട്ടുണ്ട്. എന്നാൽ ഈ വിഷയത്തിൽ അൻവർ എന്ത് നിലപാട് സ്വീകരിക്കുമെന്നതാണ് നിർണാകമാവുക. സിപിഎമ്മുമായുള്ല സഹകരണം അവസാനിപ്പിച്ച് ഡിഎംകെയായ അൻവർ പിന്നീടാണ് തൃണമൂൽ കോൺഗ്രസിൽ ചേർന്നത്. അതുകൊണ്ട് ഇനിയൊരു പാർട്ടി രൂപീകരിച്ചാൽ അൻവറിന്റെ രാഷ്ട്രീയ ഭാവിയെ ബാധിക്കുമെന്ന ആശങ്കയുണ്ട്. അണികളോ ജനങ്ങളോ അൻവറിൻ്റെ വിശ്വാസ്യതയെ ചോദ്യം ചെയ്യാനുള്ല സാദ്ധ്യതയും തളിക്കളയാനാവില്ല.