കേരളത്തിന്റെ ചരിത്രത്തിൽ ഒരിക്കലും ഒരു മുഖ്യമന്ത്രിയും തന്റെ ഓഫീസിന്റെ വിശ്വാസ്യത ഇത്രമേൽ കളങ്കപ്പെടുത്തിയിട്ടില്ല എന്ന് പ്രതിപക്ഷ നേതാവ് രമേശ് ചെന്നിത്തല. എൻ.ഐ.എ ഉൾപ്പെടെയുള്ള കേന്ദ്ര ഏജൻസികൾ സെക്രട്ടേറിയറ്റിൽ പരിശോധനയ്ക്ക് എത്തിയാൽ പിടിക്കപ്പെടും എന്ന് വ്യക്തമായതിന്റെ പശ്ചാത്തലത്തിലാണ് ഇന്ന് പ്രോട്ടോക്കോൾ ഓഫീസിൽ തീപിടുത്തം നടന്നത് എന്ന് രമേശ് ചെന്നിത്തല ആരോപിച്ചു.
രമേശ് ചെന്നിത്തലയുടെ പ്രസ്താവന:
കേരളത്തിന്റെ ചരിത്രത്തിൽ ഒരിക്കലും ഒരു മുഖ്യമന്ത്രിയും തന്റെ ഓഫീസിന്റെ വിശ്വാസ്യത ഇത്രമേൽ കളങ്കപ്പെടുത്തിയിട്ടില്ല.
NIA ഉൾപ്പെടെയുള്ള കേന്ദ്ര ഏജൻസികൾ സെക്രട്ടേറിയറ്റിൽ പരിശോധനയ്ക്ക് എത്തിയാൽ പിടിക്കപ്പെടും എന്ന് വ്യക്തമായതിന്റെ പശ്ചാത്തലത്തിലാണ് ഇന്ന് പ്രോട്ടോക്കോൾ ഓഫീസിൽ തീപിടുത്തം നടന്നത്. മുഖ്യമന്ത്രിയുടെയും, സർക്കാരിന്റെയും നിലനിൽപ്പ് തന്നെ അവതാളത്തിലാക്കാൻ കെൽപ്പുള്ള രേഖകൾ സൂക്ഷിച്ചിരിക്കുന്ന ഓഫീസിൽ നടന്ന തീപിടുത്തത്തെ പറ്റി നിഷ്പക്ഷമായ അന്വേഷണം ആവശ്യമാണ്.
സർക്കാരിന്റെ ജനവഞ്ചനയ്ക്ക് എതിരെ പ്രതികരിക്കാൻ നാളെ കരിദിനമാചരിക്കാൻ യുഡിഎഫ് തീരുമാനിച്ചു.
Read more
https://www.facebook.com/rameshchennithala/posts/3435776519814163
