പാലക്കാട് എഐവൈഎഫ് ജില്ലാ കമ്മിറ്റി അംഗത്തെ വീട്ടില്‍ മരിച്ച നിലയില്‍ കണ്ടെത്തി. മണ്ണാര്‍ക്കാട് സ്വദേശി ഷാഹിനയാണ് മരിച്ചത്. മണ്ണാര്‍ക്കാട് മണ്ഡലം ജോയിന്റ് സെക്രട്ടറിയാണ് ഷാഹിന. മണ്ണാര്‍ക്കാട് വടക്കും മണ്ണത്തെ വാടക വീട്ടില്‍ തൂങ്ങി മരിച്ച നിലയിലാണ് ഷാഹിനയെ കണ്ടെത്തിയത്.
എടേരം മൈലം കോട്ടില്‍ സാദിഖിന്റെ ഭാര്യയാണ് ഷാഹിന. ഞായറാഴ്ച വൈകുന്നേരം വരെ പാര്‍ട്ടി പരിപാടികളില്‍ സജീവമായിരുന്നു ഷാഹിന. മണ്ണാര്‍ക്കാട് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.