പാലക്കാട് അന്തര്‍ സംസ്ഥാന സ്വകാര്യ ബസ് മറിഞ്ഞു. നിരവധി പേര്‍ക്ക് പരിക്ക്. ചെന്നൈയില്‍ നിന്ന് കോഴിക്കോട്ടേയ്ക്ക് വരുകയായിരുന്ന കല്ലട ബസാണ് മറിഞ്ഞത്. രണ്ടു പേരുടെ നില ഗുരുതരമാണ്. പാലക്കാട് തിരുവാഴിയോട് കാര്‍ഷിക വികസന ബാങ്കിന് മുന്നിലാണ് അപകടം ഉണ്ടായത്. ബസില്‍ 38 യാത്രക്കാരാണ് ഉണ്ടായിരുന്നത്. അമിത വേഗതയില്‍ എത്തിയ ബസ് പെട്ടന്ന് ബ്രേക്ക് ചെയ്തതാണ് അപകടകാരണമെന്ന് ആരോപണം ഉയര്‍ന്നിട്ടുണ്ട്.
അപകടത്തില്‍ രണ്ടു പേര്‍ മരിച്ചതായി ഒറ്റപ്പാലം എംഎല്‍എ പ്രേംകുമാര്‍ പറഞ്ഞു. എന്നാല്‍, ഇതു ഔദ്യോഗികമായി സ്ഥിരീകരിച്ചിട്ടില്ല. ബസില്‍ ഉണ്ടായിരുന്ന 38 പേര്‍ക്കും പരിക്കേറ്റിട്ടുണ്ട്. ഗുരുതരമായി പരുക്കേറ്റ രണ്ടു പേരെ പാലക്കാട് ജില്ലാ ആശുപത്രിയിലേക്ക് മാറ്റി. ഇവര്‍ ബസിന്റെ അടിയില്‍ കുടുങ്ങി കിടക്കുകയായിരുന്നു. നാട്ടുകാരും പൊലീസും ചേര്‍ന്ന് രക്ഷാപ്രവര്‍ത്തനം നടത്തുകയാണ്.