കണ്ണൂര്‍ ഏച്ചൂരില്‍ അമിത വേഗതയിലെത്തിയ കാറിടിച്ച് കാല്‍നട യാത്രക്കാരി മരിച്ചു. മുണ്ടേരിയിലെ സഹകരണ സംഘം ജീവനക്കാരിയായ ബീനയാണ് അപകടത്തില്‍ മരിച്ചത്. അപകടത്തിന് കാരണമായ അമിത വേഗതയിലെത്തിയ കാര്‍ കണ്ണൂര്‍ ടൗണ്‍ സ്റ്റേഷനിലെ പൊലീസ് ഉദ്യോഗസ്ഥന്‍ ലിതേഷ് ആണ് ഓടിച്ചിരുന്നത്.
അമിത വേഗതയിലെത്തിയ കാര്‍ നിയന്ത്രണം നഷ്ടപ്പെട്ട് റോഡിന്റെ നടപ്പാതയോട് ചേര്‍ന്ന് നടന്നുപോകുകയായിരുന്ന ബീനയെ ഇടിച്ചുതെറിപ്പിക്കുകയായിരുന്നു. ബീനയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. അപകടത്തിന്റെ സിസിടിവി ദൃശ്യങ്ങള്‍ പൊലീസിന് ലഭിച്ചിട്ടുണ്ട്. വാഹനം ഓടിച്ചിരുന്ന ലിതേഷിനെ പൊലീസ് വൈദ്യപരിശോധനയ്ക്ക് വിധേയമാക്കും.
പൊലീസ് ഉദ്യോഗസ്ഥന്‍ അപകട സമയം ലഹരി ഉപയോഗിച്ചിരുന്നോ എന്നതില്‍ വ്യക്തതയില്ല. ലിതേഷിന്റെ വൈദ്യ പരിശോധന ഫലം ലഭിച്ചാല്‍ മാത്രമേ ഇത് സംബന്ധിച്ച് കൂടുതല്‍ വിവരങ്ങള്‍ ലഭ്യമാകൂ.