സംസ്ഥാനത്തെ ഉന്നത പൊലീസ് ഉദ്യോഗസ്ഥര്ക്കും മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശിയ്ക്കുമെതിരെ ആരോപണങ്ങള് ഉന്നയിച്ചതിന് പിന്നാലെ സിപിഎമ്മുമായി തുറന്ന പോരിനിറങ്ങിയ പിവി അന്വറിന്റെ വിശദീകരണ യോഗം നിലമ്പൂരില് ആരംഭിച്ചു. വന് ജനാവലിയാണ് അന്വറിന്റെ വിശദീകരണ യോഗത്തില് പങ്കെടുക്കാനെത്തിയിട്ടുള്ളത്.
അന്വര് പ്രകടനമായാണ് യോഗസ്ഥലത്തേക്ക് എത്തിയത്. അന്വറിന്റെ അടുത്ത നീക്കം എന്തെന്നറിയാന് കാത്തിരിക്കുകയാണ് സംസ്ഥാനം. നിലമ്പൂര് ചന്തക്കുന്നിലെ ബസ് സ്റ്റാന്റിന് സമീപമാണ് യോഗം നടക്കുന്നത്. അന്തരിച്ച പുഷ്പന് അഭിവാദ്യം അര്പ്പിച്ചാണ് അന്വര് പ്രസംഗം ആരംഭിച്ചത്. ഓം ശാന്തി-ആകാശത്ത് ഇരിക്കുന്ന ദൈവം അനുഗ്രഹിക്കട്ടെ, അസ്ലാമു അലൈക്കും-ലാല് സലാം സഖാക്കളെ എന്നും അന്വര് ജനങ്ങളെ അഭിസംബോധന ചെയ്തു.
Read more
പുതിയ പാര്ട്ടി പ്രഖ്യാപനം ഉണ്ടായേക്കുമോയെന്നാണ് ഏവരും ഉറ്റുനോക്കുന്നത്. അതേസമയം യോഗസ്ഥലത്ത് ഒരു ടിവി മോണിറ്ററും വേദിയ്ക്ക് സമീപം സ്ഥാപിച്ചിട്ടുണ്ട്. ഏതെങ്കിലും തരത്തിലുള്ള വെളിപ്പെടുത്തലിന് വേണ്ടിയാണോ മോണിറ്റര് തയ്യാറാക്കിയിരിക്കുന്നതെന്നും സംശയങ്ങള് ഉയരുന്നുണ്ട്.