ലൈംഗിക പീഡന പരാതിയില്‍ രജിസ്റ്റര്‍ ചെയ്ത കേസ് റദ്ദാക്കണമെന്ന് ആവശ്യപ്പെട്ട് നടന്‍ ഇടവേള ബാബു സമര്‍പ്പിച്ച ഹര്‍ജിയില്‍ കേസ് ഡയറി ഹാജരാക്കാന്‍ ആവശ്യപ്പെട്ട് ഹൈക്കോടതി. ഇടവേള ബാബുവിനെതിരെയുള്ള ബലാത്സംഗ കേസിന്റെ കേസ് ഡയറി ഹാജരാക്കാനാണ് ഹൈക്കോടതി നിര്‍ദ്ദേശിച്ചത്.
ജൂനിയര്‍ ആര്‍ട്ടിസ്റ്റിന്റെ പരാതിയില്‍ ആയിരുന്നു പൊലീസ് കേസെടുത്തത്. സിനിമയില്‍ അവസരങ്ങള്‍ ലഭിക്കുന്നതിനും അമ്മയില്‍ അംഗത്വം ലഭിക്കുന്നതിനും തന്റെ ഇച്ഛകള്‍ക്ക് അനുസരിച്ച് വഴങ്ങണമെന്ന് ഇടവേള ബാബു ആവശ്യപ്പെട്ടെന്നായിരുന്നു പരാതി. കോഴിക്കോട് നടക്കാവ് പൊലീസ് ആണ് പരാതിയില്‍ കേസ് രജിസ്റ്റര്‍ ചെയ്തത്.
അതേസമയം കേസിന്റെ തുടര്‍ നടപടികള്‍ താത്കാലികമായി കോടതി നേരത്തെ സ്റ്റേ ചെയ്തിതിരുന്നു. അമ്മ സംഘടനയിലെ അംഗത്വത്തിന് രണ്ട് ലക്ഷം രൂപ ഫീസ് നല്‍കണമെന്ന് അറിയിച്ച ഇടവേള ബാബു അഡ്ജസ്റ്റ് ചെയ്താല്‍ രണ്ടു ലക്ഷം വേണ്ടെന്ന് പറഞ്ഞതായും പരാതിയില്‍ പറയുന്നു.
Read more
അമ്മയിലെ അംഗത്വത്തിനും സിനിമയില്‍ കൂടുതല്‍ അവസരങ്ങള്‍ക്കും വേണ്ടി തനിക്ക് വഴങ്ങണമെന്ന് ഇടവേള ബാബു പറഞ്ഞതായും പരാതിയില്‍ പറയുന്നു.
