ശബരിഗിരി ജലവൈദ്യുത പദ്ധതിയില്‍ ഒരു ജനറേറ്റര്‍ കൂടി തകരാറിലായി. ഇതോടെ ആകെ തകരാറിലായ ജനറേറ്ററുകളുടെ എണ്ണം മൂന്നായി. ജനറേറ്റര്‍ തകരാറിലായതിനെ തുടര്‍ന്ന് 175 മെഗാവാട്ട് വൈദ്യുതിയുടെ കുറവുണ്ടാകുമെന്നാണ് സൂചന. സംസ്ഥാനത്തെ രണ്ടാമത്തെ വലിയ പദ്ധതിയാണ് ശബരിഗിരി.
നിലവില്‍ നാല് , ആറ് നമ്പര്‍ ജനറേറ്ററുകളുടെ അറ്റകുറ്റ പണികള്‍ നടക്കുകയാണ്. കഴിഞ്ഞ മാസമാണ് ഇവിടെ ആറാം നമ്പര്‍ ജനറേറ്ററിന് തീപിടിച്ചത്. നേരത്തെ നാലാം നമ്പര്‍ ജനറേറ്ററിനും തീപിടിച്ചരുന്നു. രണ്ട് ജനറേറ്ററുകളും തകരാറിലായതിനെ തുടര്‍ന്ന് വൈദ്യുതി ഉത്പാദനത്തില്‍ 105 മെഗാവാട്ട് കുറവുണ്ടാകുമെന്ന് അറിയിച്ചിരുന്നു.