അട്ടപ്പാടിയില്‍ വീണ്ടും നവജാതശിശു മരിച്ചു. അട്ടപ്പാടി വെള്ളകുളം ഊരിലെ ഏഴുദിവസം പ്രായമായ ആണ്‍കുഞ്ഞാണ് മരിച്ചത്. ചിത്ര-ശിവന്‍ ദമ്പതികളുടെ കുട്ടിയാണ് മരിച്ചത്.
കുട്ടിയ്ക്ക് ജന്മനാ ആരോഗ്യപ്രശ്‌നങ്ങള്‍ ഉണ്ടായിരുന്നു എന്നാണ് റിപ്പോര്‍ട്ട്. അട്ടപ്പാടിയില്‍ ഈ വര്‍ഷം മരിക്കുന്ന അഞ്ചാമത്തെ നവജാതശിശു ആണിത്.
ലോകത്താകമാനം ശിശുമരണനിരക്ക് എട്ടിലേക്ക് എത്തിക്കണമെന്നാണ് ഐക്യരാഷ്ട്ര സഭയുടെ ലക്ഷ്യം. കേരളം മരണനിരക്ക് ഏഴിലേക്ക് എത്തിച്ച് അഭിമാന നേട്ടം കൈവരിച്ചു. ഇന്ത്യയിൽ ആയിരം കുഞ്ഞുങ്ങൾ ജനിക്കുമ്പോൾ 32 കുഞ്ഞുങ്ങൾ മരിക്കുന്നുവെന്ന കണക്കുകൾ നിലനിൽക്കെയാണ് ഇത്.