കൊല്ലത്ത് സ്കൂൾ വിദ്യാർത്ഥികളോട് ലൈംഗികാതിക്രമം നടത്തിയ കേസിൽ സ്കൂൾ ബസ് ഡ്രൈവറും, ക്ലീനറും അറസ്റ്റിൽ. തൃക്കോവിൽ വട്ടം സ്വദേശി സാബു (53), മുഖത്തല സ്വദേശി സുഭാഷ് (51) എന്നിവരാണ് അറസ്റ്റിലായത്.
ശക്തികുളങ്ങര പോലീസ് രജിസ്റ്റർ ചെയ്ത കേസിൽ എട്ട് വിദ്യാർത്ഥികളുടെ മൊഴിയുടെ അടിസ്ഥാനത്തിൽ എട്ട് പോക്സോ കേസുകളാണ് പ്രതികൾക്കെതിരെ ചുമത്തിയത്. കുട്ടികൾ സ്വന്തം കൈപ്പടിയിൽ പരാതി എഴുതി പ്രിന്‍സിപ്പാളിന് കൊടുത്തു. തുടർന്ന് പൊലീസിന് പരാതി കൈമാറി.
എട്ടു വിദ്യാർത്ഥിനികളുടെയും മൊഴി പ്രേത്യേകമായി രേഖപ്പെടുത്തിയാണ് കേസ് എടുത്തത്. ലൈംഗീക ചുവയോടെ സംസാരിച്ചതിനും, ലൈംഗീകാതിക്രമം നടത്താൻ ശ്രമിച്ചതിനും കൂടെ സാബുവിനെതിരെ ആറ് കേസുകളും, സുഭാഷിനെതിരെ രണ്ട് കേസുമാണ് രജിസ്റ്റർ ചെയ്തിരിക്കുന്നത്. അറസ്റ്റിലായ പ്രതികളെ റിമാൻഡ് ചെയ്തു.
