മട്ടന്നൂരിലെ ശിഹാബ് തങ്ങൾ റിലീഫ് സെന്ററിന്റെ ആംബുലൻസിൽ ലഹരിവസ്തുക്കള്‍ കടത്തിയത് പിടികൂടി. പൊലീസിന് ലഭിച്ച രഹസ്യ വിവരത്തെ തുടര്‍ന്ന് ആംബുലന്‍സ് പരിശോധിക്കുകയായിരുന്നു. 90 പാക്കറ്റ് നിരോധിത പുകയില വസ്തുക്കളാണ് കുമ്പള പൊലീസ് പിടികൂടിയത്. വാഹനത്തിന്റെ ഡ്രൈവറായ മട്ടന്നൂര്‍ മണ്ണൂര്‍ പൊറോറ മുര്‍ഷിദ മന്‍സിലിലെ പിപി മുസാദിഖിനെ (29) പൊലീസ് കസ്റ്റഡിയിലെടുത്തതായി റിപ്പോര്‍ട്ടുകള്‍ പറയുന്നു.
രഹസ്യവിവരത്തെ തുടര്‍ന്ന് കുമ്പള എസ്ഐ എ സന്തോഷ് കുമാറിന്റെ നേതൃത്വത്തിലാണ് വാഹനം തടഞ്ഞത്. കെഎൽ 58 ടി –- 241 നമ്പർ ആംബുലൻസിൽ ഉപ്പളയില്‍ നിന്ന് ലഹരിവസ്തുക്കള്‍ കയറ്റി പോകുകയായിരുന്നു വാഹനം. ആംബുലൻസിലെ രോഗികളെ മറ്റൊരു ആംബുലൻസിൽ മട്ടന്നൂരിലേക്ക്‌ അയച്ചു.